TRENDING:
‘घनकचरा व्यवस्थापन उपविधी–2025’ लागू
महापालिकेने ‘घनकचरा (व्यवस्थापन व हाताळणी), स्वच्छता आणि स्वच्छताविषयक उपविधी–2025’ जाहीर केले आहेत. या नियमावलीत एकूण 21 ठोस नियमांचा समावेश असून ते शहर व उपनगरांतील सर्व नागरिक, संस्था आणि आस्थापनांवर लागू असणार आहेत.
Mumbai Local: मुंबईत 238 AC लोकल ट्रेन, 15 डब्याच्या लोकल कधी धावणार? तारीख आली समोर
advertisement
सार्वजनिक ठिकाणी अस्वच्छतेला आळा
नव्या नियमांनुसार सार्वजनिक ठिकाणी थुंकणे, रस्ते व पदपथांवर कचरा टाकणे, सार्वजनिक जागी लघवी किंवा शौच करणे यांसारख्या कृतींवर दंडात्मक कारवाई केली जाणार आहे. यासोबतच सार्वजनिक ठिकाणी आंघोळ करणे किंवा कपडे धुणे यालाही आळा घालण्यात आला आहे.
ओला-सुका कचरा वर्गीकरण बंधनकारक
घरगुती तसेच व्यावसायिक स्तरावर ओला व सुका कचरा वेगळा करणे अनिवार्य करण्यात आले आहे. नागरिकांनी नियमांचे पालन न केल्यास दंड आकारला जाणार असून मोठ्या संस्था, व्यापारी संकुले, शैक्षणिक आणि धार्मिक स्थळांनाही ही अट बंधनकारक राहणार आहे.
राडारोडा टाकणाऱ्यांवर कठोर कारवाई
शहरात अनधिकृतपणे राडारोडा टाकणाऱ्यांवर महापालिकेची विशेष नजर राहणार आहे. कुठेही राडारोडा टाकल्यास मोठ्या रकमेचा दंड आकारला जाणार असून विनापरवाना राडारोडा वाहतूक करणाऱ्या वाहनांवर थेट कारवाई केली जाणार आहे. या मोहिमेचे नियंत्रण उपायुक्त किरण दिघावकर यांच्या देखरेखीखाली केले जाणार आहे.
दंडात्मक कारवाईची ठळक तरतूद
नव्या उपविधींनुसार सार्वजनिक ठिकाणी थुंकल्यास 250 रुपये, रस्त्यावर कचरा टाकल्यास 500 रुपये, ओला-सुका कचरा वेगळा न केल्यास वैयक्तिक नागरिकांना 200 रुपये तर मोठ्या संस्थांना 1,000 रुपये दंड आकारला जाणार आहे. पाळीव प्राण्यांमुळे सार्वजनिक जागा अस्वच्छ केल्यास 1,000 रुपये, तर व्यावसायिक कारणांसाठी कचरा जाळल्यास 10,000 रुपयांचा दंड निश्चित करण्यात आला आहे.
या नियमांची अंमलबजावणी अतिरिक्त आयुक्त डॉ. अश्विनी जोशी यांच्या मार्गदर्शनाखाली केली जाणार आहे. महापालिकेने नागरिकांना कचऱ्याचे योग्य वर्गीकरण करून सहकार्य करण्याचे आवाहन केले असून, स्वच्छ परिसर राखणे ही प्रत्येक मुंबईकराची सामूहिक जबाबदारी असल्याचे स्पष्ट केले आहे.