लग्नासाठी लागणाऱ्या रूखवतासाठीचं सामान 50 रूपयांपासून, मुंबईमध्ये कुठे आहे 'हे' दुकान

दत्तधुनीमध्ये रुखवताचा तयार सेट 1500 रुपयांमध्ये उपलब्ध आहे. या सेटमध्ये एकूण 20 पारंपरिक वस्तू मिळतात. या पारंपारिक वस्तुंमध्ये, डोली, भडजी, सनई-चौघडे, घर, बैलगाडी, धान्याची पोती यांसारख्या लग्नविधींमध्ये वापरल्या जाणाऱ्या पारंपरिक वस्तूंचा समावेश आहे. ग्राहकांना हा सेट कस्टमाईज करण्याचीही सुविधा देण्यात आली आहे. त्यामुळे कुटुंबाच्या परंपरेनुसार किंवा पसंतीनुसार वस्तूंची निवड करता येते. याशिवाय येथे दगडी वस्तूंचे खास सेटदेखील उपलब्ध आहेत. पाटा–वरवंटा, जातं, दिवा, तुळस, चूल आणि उखळ अशा सहा दगडी वस्तूंचा सेट 1200 रुपयांना मिळतो. घरगुती परंपरेतील या वस्तूंना आजही विशेष महत्त्व असल्याने ग्राहक या सेटला मोठी पसंती देत आहेत.

advertisement

लग्नविधींमध्ये आवश्यक असलेल्या ओटी, अक्षता, हळद यांसारख्या वस्तूही येथे उपलब्ध आहेत. नवरीची शाल 250 रुपये, तर सप्तपदी सुपारी 150 रुपये या दरात मिळत आहे. आंतर पाठ, ओटी बटवा तसेच विविध प्रकारच्या मुंडवल्या फक्त 100 रुपयांपासून मिळत असल्याने सर्व आवश्यक साहित्य एकाच ठिकाणी मिळण्याचा फायदा ग्राहक घेत आहेत. लग्नसमारंभासाठी लागणाऱ्या सर्व वस्तू परवडणाऱ्या दरात, विविध पर्यायांसह आणि पारंपरिकतेची हमी देत दादरमधील ‘दत्तधुनी’ दुकान सध्या लग्नसराईतील प्रमुख खरेदीचे आकर्षण बनले आहे.