Ind vs Pak Live Updates: पाकिस्तानची 2 लढाऊ विमानं पाडली, भारतीय सैन्य दलाला मोठं यश

मुंबई: आता भारत आणि पाकिस्तानमध्ये संघर्ष दिवसेंदिवस वाढत चालला आहे. भारत आणि पाकिस्तानने आता एकमेकांवर क्षेपणास्त्रांनी हल्ला करायला सुरुवात केली आहे. शुक्रवारी रात्री पाकिस्तानने पुन्हा एकदा भारतातील २६ ठिकाणी ड्रोन हल्ले केले. एवढेच नाही तर पाकिस्तानने दिल्लीवर फतह २ क्षेपणास्त्राने हल्ला केला.

भारतीय हवाई संरक्षण यंत्रणेने पाकिस्तानचे सर्व हल्ले हाणून पाडले. दुसरीकडे, भारताने प्रत्युत्तराच्या कारवाईत पाकिस्तानमध्ये दहशत निर्माण केली आहे. पाकिस्तानचे तीन हवाई तळ उडवून देण्यात आले आहेत. रावळपिंडी, रफीकी आणि मुरीद हवाई तळांवर पहाटे स्फोट झाले. या स्फोटांनंतर पाकिस्तानने आपले संपूर्ण हवाई क्षेत्र बंद केले आहे.

पाकिस्तानने दिल्लीवर फतह-२ क्षेपणास्त्र डागले होते, जे सिरसा येथील हवाई संरक्षण यंत्रणेने पाडले होते. मात्र भारतीय सैन्य दलाने डाव उधळून लावला.  पाकिस्तानकडून 6 मे पासून सलग शस्त्रसंधीचं उल्लंघन सुरू आहे. पाकिस्तानचे नापाक इरादे उधळून लावण्यात भारतीय जवानांना यश येत आहे. पाकिस्तानने आता दिल्लीला टार्गेट करण्याचा प्रयत्न केला. भारतीय सैन्यदलाने तो हाणून पाडला.

7 मे पासून भारत आणि पाकिस्तानमधील तणाव दिवसेंदिवस वाढत चालला आहे. अजूनही अधिकृत युद्धाची घोषणा करण्यात आली नाही. मात्र सीमेवरील संघर्ष वाढत असून पाकिस्तान आता दिल्लीपर्यंत टार्गेट करत असल्याची सूत्रांकडून माहिती मिळाली आहे. भारतानेही पाकिस्ताचे सगळे डाव उधळून लावले आहे. पाकिस्तानमध्ये पेट्रोल पंप 48 तासांसाठी बंद करण्यात आले. तर दुसरीकडे विमानतळ प्रवाशांसाठी बंद ठेवण्यात आले आहेत. भारत आणि पाकिस्तानमधील युद्ध आणि तणावाची मोठी बातमी जाणून घेऊया.