मेष (Aries): सूर्य आणि मंगळाची युती मेष राशीच्या व्यक्तींसाठी फायदेशीर ठरेल. कारण, मेष राशीच्या कर्म भावावर ही युती तयार होणार आहे. त्यामुळे या राशीच्या व्यक्ती करिअर आणि व्यवसायात प्रगती करू शकतात. त्याचबरोबर नोकरदारांना आणि व्यावसायिकांनाही या युतीचा चांगला फायदा होईल. त्यांच्याासाठी उत्पन्न वाढीचे नवीन मार्ग तयार होतील. जर तुम्ही मेष राशीचे असाल आणि जमीन खरेदी करण्याचा विचार करत असाल तर ही युती तुमच्यासाठी अतिशय लाभदायक ठरेल. सूर्य-मंगळ युतीमुळे व्यावसायिकांनाही चांगला आर्थिक लाभ होईल. त्यांच्या व्यवसायाचा विस्तार होऊ शकतो. 2024 हे वर्ष मेष राशीच्या विद्यार्थ्यांसाठी खूप अनुकूल असेल आणि ते शैक्षणिक क्षेत्रात चांगली कामगिरी करतील. ज्या व्यक्ती सरकारी नोकरीची तयारी करत आहेत त्यांना या वर्षी चांगली बातमी मिळू शकते.
advertisement
वृषभ (Taurus): सूर्य आणि मंगळ युतीमुळे वृषभ राशीच्या व्यक्तींचे चांगले दिवस सुरू होऊ शकतात. कारण ही युती वृषभ राशीच्या नवम् स्थानात तयार होणार आहे. त्यामुळे नशीब हे वृषभ राशीच्या व्यक्तींच्या बाजूने असेल. त्यांच्या मान-सन्मानात चांगली वाढ होईल. या व्यक्ती नवीन वर्षात बचत करण्यात यशस्वी होतील आणि त्यांच्या बँक बॅलन्समध्येही चांगली वाढ होईल. तसेच वृषभ राशीच्या व्यक्ती या काळात कोणत्याही धार्मिक किंवा शुभकार्यात सहभागी होऊ शकतात. वृषभ राशीच्या व्यक्ती या काळात काम किंवा व्यवसायाच्या कारणास्तव प्रवास देखील करू शकता. हा प्रवास त्यांच्यासाठी शुभ ठरेल.
धनू (Dhanu): मंगळ आणि सूर्याची युती धनू राशीच्या व्यक्तींसाठी अनुकूल ठरेल. कारण, धनू राशीच्या धन आणि वाणी स्थानात ही युती होणार आहे. त्यामुळे, धनू राशीच्या व्यक्तींना वेळोवेळी अनपेक्षित पैसे मिळत राहतील. या काळात, धनू राशीच्या व्यक्तींची नवीन लोकांशी ओळख वाढेल आणि सोशल सर्कल देखील विस्तारेल. करिअरमध्ये प्रगतीच्या अनेक संधी मिळतील आणि आत्मविश्वासात लक्षणीय वाढ होईल. त्यांच्या बोलण्याचा प्रभाव वाढेल आणि लोकांवर त्याचा परिणाम होईल.
सूचना - हा लेख ज्योतिषशास्त्रावर आधारित आहे. न्यूज18मराठी याची हमी देत नाही किंवा याचं समर्थन करत नाही.