Tar Kumpan Yojana : वन्य प्राण्यांचा शेतात धुडगूस वाढलाय? सरकार तार कुंपणसाठी देतंय अनुदान, अर्जप्रक्रिया जाणून घ्या

शेती करताना शेतकऱ्यांना अनेक समस्यांना सामोरे जावे लागते. अनियमित पाऊस,दुष्काळसदृश्य परिस्थिती, पाणीटंचाई आणि वन्य प्राण्यांमुळे होणारे नुकसान यामुळे शेतकऱ्यांचे मोठे आर्थिक नुकसान होते. हे टाळण्यासाठी राज्य सरकारने ‘तार कुंपण योजना’ सुरू केली आहे. या अंतर्गत सरकार 90% अनुदानावर काटेरी तार कुंपण उभारण्यासाठी मदत करत आहे.

<strong>पिकांचे संरक्षण करण्यासाठी उपयुक्त योजना</strong>शेतीमधील पीक सुरक्षित राहावे आणि प्राण्यांमुळे होणाऱ्या हानीला आळा बसावा, यासाठी राज्य शासनाने काटेरी तार कुंपणासाठी आर्थिक मदतीची योजना आणली आहे. या उपक्रमामुळे पिकांवर होणारा परिणाम कमी होईल आणि शेतकऱ्यांचे उत्पन्न वाढण्यास मदत होईल.

<strong></strong> <strong>योजनेसाठी पात्रता व अटी</strong>शेतजमिनीवर कोणत्याही प्रकारचे अतिक्रमण असू नये.वन्य प्राण्यांच्या नैसर्गिक मार्गात येणाऱ्या जमिनींना ही सुविधा मिळणार नाही.ग्राम परिस्थिती विकास समिती किंवा संयुक्त वन व्यवस्थापन समितीकडून संमती पत्र अनिवार्य आहे. योजनेच्या लाभात 2 क्विंटल काटेरी तार आणि 30 लोखंडी खांबांचा समावेश आहे.

<strong>अर्ज कुठे आणि कसा करावा?</strong>शेतकऱ्यांनी पंचायत समितीकडे अर्ज सादर करावा. अर्जासोबत आवश्यक कागदपत्रे जोडून संवर्ग विकास अधिकारी, पंचायत समिती यांच्याकडे अर्ज करणे बंधनकारक आहे.

<strong>अर्जासाठी आवश्यक कागदपत्रे : </strong>सातबारा उतारा आणि गाव नमुना 8 ,अजात प्रमाणपत्र (लागू असल्यास),शेतकऱ्याचे आधार कार्डशेतीवर एकाहून अधिक मालक असल्यास इतर मालकांचे संमती पत्र, ग्रामपंचायतीचा अधिकृत दाखला, वनपरिक्षेत्र अधिकाऱ्याचे प्रमाणपत्र