Numerology: या 3 तारखांना जन्म झाला असल्यास सुपरस्टार होण्याचे योग..! सोनम कपूर, प्रियांका चोप्राही यादीत

काही मुली फॅशनच्या बाबतीत वेगळा विचार करतात. त्या फक्त ट्रेंड फॉलो करत नाहीत तर त्या तो सेट करतात. पाश्चात्य पोशाख असो किंवा इंडियन लूक असो, त्या नेहमीच काहीतरी नवीन करण्याचा प्रयत्न करतात. कोणत्याही महिन्याच्या 9, 18, 27 या तारखांना जन्मलेल्या मुलींचा मूलांक 9 असतो. या मुलींवर विशेषतः मंगळ ग्रहाचा प्रभाव असतो. प्रियांका चोप्रा आणि सोनम कपूर या दोघींचा मूलांकही 9 आहे. मूलांक 9 मधील मुलींचे विशेष गुण जाणून घेऊया.

मूलांक 9 असलेल्या मुली धाडसी आणि आत्मविश्वासू असतात. त्यांचा हा गुण करिअरमध्ये त्यांना पुढे नेण्यास उपयुक्त ठरतो.मूलांक 9 असलेल्या मुली मेहनती आणि उत्साही देखील असतात. त्या हाती घेतलेले प्रत्येक काम पूर्ण करतात.

या मूलांकाच्या महिला जीवनातील प्रत्येक आव्हानांना धैर्याने तोंड देतात.सर्वात विशेष म्हणजे मूलांक 9 असलेल्या मुली अत्यंत स्टायलिश असतात आणि त्यांचा फॅशन सेन्स नेहमीच चर्चेचा विषय बनतो.

सतत काही तरी नवीन लूक करून पाहणं, स्टाईलच्या बाबतीत प्रयोग करायला त्यांना आवडतं. वेळोवळी स्टाईल बदलत राहणं आणि प्रत्येक पोशाख आत्मविश्वासानं घालणं हे त्यांचे वैशिष्ट्य असतं.

या मूलांकाच्या मुली वैयक्तिक आणि व्यावसायिक जीवनात अत्यंत आत्मविश्वासू आणि सकारात्मक असतात. त्या कुठेही गेल्या तरी त्यांचे आकर्षक व्यक्तिमत्व सर्वांचे लक्ष वेधून घेते.

मूलांक 9 असलेल्या मुली मोठ्या मनाच्या, भावनिक आणि मदतगार असतात. त्या त्यांच्या नातेसंबंधांबद्दल अत्यंत निष्ठावान असतात. वैवाहिक आयुष्यात त्या पतीला खूप पाठिंबा देतात, त्यांच्यासाठी सर्वकाही करतात.

मूलांक 9 असलेल्या मुलींसाठी सर्वोत्तम व्यवसाय - मूलांक 9 असलेल्या मुलींसाठी सर्वोत्तम व्यवसाय म्हणजे संरक्षण क्षेत्र, फॅशन डिझायनिंग, स्टायलिंग, अभिनय किंवा मॉडेलिंग. त्या एचआर, पीआर आणि प्रोजेक्ट मॅनेजमेंटमध्ये देखील उत्कृष्ट कामगिरी करू शकतात.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)