तुमचाही मूलांक असेल 1 तर आजच सोडा दारू, नाहीतर होईल मोठं नुकसान, सहन करावा लागेल त्रास!

अंकशास्त्रानुसार, ज्या व्यक्तींचा जन्म कोणत्याही महिन्याच्या 1, 10, 19 किंवा 28 तारखेला झाला आहे, त्यांचा मूलांक 1 असतो. मूलांक 1 चा स्वामी सूर्य आहे. सूर्य हा ग्रहांचा राजा असून तो शिस्त, अधिकार, ऊर्जा आणि आत्मसन्मानाचे प्रतीक मानला जातो. मात्र, ज्योतिष आणि अंकशास्त्र तज्ज्ञांच्या मते, मूलांक 1 असलेल्या व्यक्तींनी दारू किंवा कोणत्याही अमली पदार्थांच्या सेवनापासून लांब राहणे अत्यंत आवश्यक आहे. याचा परिणाम केवळ आरोग्यावरच नाही, तर त्यांच्या भाग्यावर आणि सामाजिक प्रतिमेवरही होतो.

सूर्याच्या ऊर्जेचा ऱ्हास : सूर्य हा ऊर्जेचा आणि प्रकाशाचा कारक आहे. दारू हे 'तामसिक' पेय मानले जाते. जेव्हा मूलांक 1 चा व्यक्ती दारूचे सेवन करतो, तेव्हा सूर्याची सकारात्मक आणि सात्त्विक ऊर्जा नष्ट होऊ लागते, ज्यामुळे व्यक्तीच्या आयुष्यात अंधकार आणि नैराश्य येऊ शकते.

मान-सन्मानावर परिणाम : मूलांक 1 च्या व्यक्तींना समाजात मान-सन्मान मिळवणे आवडते आणि ते त्यासाठी प्रयत्नशील असतात. मात्र, दारूच्या नशेत या व्यक्तींच्या हातून अशा चुका होऊ शकतात, ज्यामुळे त्यांनी आयुष्यभर कमावलेली प्रतिष्ठा एका क्षणात मातीमोल होऊ शकते.

आरोग्याच्या गंभीर समस्या : मूलांक 1 च्या व्यक्तींच्या शरीरात 'पित्त' प्रवृत्ती जास्त असते. सूर्य हा उष्ण ग्रह आहे. दारू देखील शरीरात उष्णता निर्माण करते. यामुळे या व्यक्तींना यकृत, पोट आणि हृदयाशी संबंधित विकार होण्याचा धोका इतरांपेक्षा जास्त असतो.

निर्णयक्षमतेवर परिणाम : मूलांक 1 च्या व्यक्ती उत्तम नेतृत्व करू शकतात. मात्र, दारूमुळे त्यांच्या बुद्धीवर परिणाम होतो आणि त्यांची निर्णय घेण्याची क्षमता मंदावते. यामुळे करिअरमध्ये चुकीचे निर्णय घेतले जाऊन मोठे आर्थिक नुकसान होऊ शकते.

अहंकार आणि रागावर नियंत्रण सुटणे : मूलांक 1 असलेल्या लोकांमध्ये उपजतच थोडा अहंकार असतो. दारूचे सेवन केल्यावर हा अहंकार वाढतो आणि ते अत्यंत रागीट किंवा हिंसक बनू शकतात, ज्यामुळे त्यांचे मित्र आणि कुटुंबातील सदस्यांशी असलेले संबंध बिघडतात.

भाग्याची साथ सुटणे : असे मानले जाते की, ज्या मूलांक 1 च्या व्यक्ती व्यसनाच्या आहारी जातात, त्यांना नशिबाची साथ मिळणे बंद होते. सूर्याची कृपा नसल्यामुळे पदोन्नती थांबणे, व्यवसायात तोटा होणे किंवा सरकारी कामात अडथळे येणे अशा समस्या उद्भवतात. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)