Astrology: 2025 च्या शेवटापर्यंत काळजीच नाही! मार्गी शनिदेव 3 राशींवर मेहरबान राहणार

शनिच्या या स्थितीमुळे काही राशींचे भाग्य उजळू शकते. त्याचबरोबर या राशींच्या उत्पन्नात वाढ आणि नोकरीत पदोन्नतीचे योगही बनत आहेत. या भाग्यवान राशी कोणत्या आहेत, ते जाणून घेऊया. शनिदेव २८ नोव्हेंबर २०२५ रोजी मार्गी होत आहेत. 

मकर रास - मकर राशीच्या लोकांसाठी शनिदेवाचे मार्गी होणे शुभ ठरेल. कारण शनिदेव तुमच्या राशीतून साहस आणि पराक्रमाच्या भावातून सरळ चालेल. त्यामुळे या काळात तुमचा आत्मविश्वास आणि पराक्रम वाढेल. तसेच, दीर्घकाळापासून प्रलंबित असलेली कामे पूर्ण होतील आणि तुम्हाला यश मिळेल. भावंडांसोबत तुमचे संबंध चांगले राहतील.

मकर राशीच्या नोकरदार लोकांना नवीन नोकरीची संधी मिळू शकते. तसेच, व्यवसाय करणाऱ्या लोकांना नवीन करार किंवा भागीदारीचा प्रस्ताव मिळू शकतो, जो भविष्यात फायदेशीर ठरेल.

मिथुन रास - मिथुन राशीच्या लोकांसाठी शनीचे मार्गी होणे सकारात्मक सिद्ध होऊ शकते. कारण शनिदेव तुमच्या गोचर कुंडलीतून करिअर आणि व्यवसायाच्या स्थानी सरळ चालेल. त्यामुळे या काळात तुम्हाला काम-व्यवसायात चांगली प्रगती मिळू शकते. व्यावसायिक लोक त्यांच्या निर्णयांवर समाधानी राहतील आणि प्रत्येक अडचणीचा धीरानं सामना करतील.

मिथुन राशीच्या व्यावसायिक जीवनात स्थिरता आणि प्रगती येईल. नवीन व्यवसाय सुरू करू इच्छिणाऱ्यांसाठी काळ उत्तम राहील. तसेच, कंपन्यांमध्ये उच्च पदांवर कार्यरत असलेल्या लोकांना नेतृत्वाच्या नवीन संधी मिळू शकतात. या काळात तुमच्या वडिलांसोबतचे संबंध चांगले राहतील.

तूळ रास - शनिदेवाचे मार्गी होणे तूळ राशीच्या लोकांसाठी अनुकूल ठरू शकते. कारण शनिदेव तुमच्या राशीतून सहाव्या भावात मार्गी होतील. त्यामुळे या काळात तुम्हाला कोर्ट-कचेरीच्या कामांमध्ये विजय मिळू शकतो. तसेच, तुम्ही शत्रूंवर विजय मिळवाल. शनिदेव तुमच्या राशीतून चौथ्या आणि पाचव्या भावाचे स्वामी आहेत. त्यामुळे या काळात तुम्ही वाहन किंवा मालमत्ता खरेदी करू शकता. तसेच, तुम्हाला मुलांशी संबंधित कोणतीतरी चांगली बातमी मिळू शकते. याशिवाय, तुम्हाला एखाद्या जुन्या आजारातून मुक्ती मिळेल.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)