Tulsi Vastu Tips: नियमित तुळशीची पूजा करणाऱ्यांना माहीत हव्या या गोष्टी; कुटुंबाच्या प्रगतीला पूरक
- Published by:Ramesh Patil
Last Updated:
Tulsi Vastu Tips: हिंदू धर्मात तुळशीला अत्यंत पवित्र मानलं जातं. तुळशीची पूजा प्रत्येक घरा-घरात केली जाते. हिंदू धर्म मानणाऱ्यांचे तुळशीसोबत अतुट नाते तयार झाले आहे. कुटुंबात सुख-शांती-समृद्धी राहावी या उद्देशानं तुळशीची पूजा केली जाते. तुळशीची पूजा करून जास्त लाभ मिळवण्यासाठी काही सोप्या गोष्टी करणे लाभदायी ठरते. तुळशीची पूजा केल्यानं कुटुंबात शांती राहते आणि नकारात्मकता दूर होते. तुळशी मातेला घरातील उर्जेचे शुद्धीकरण करणारी एक दैवी स्रोत मानलं जातं. तुळशीजवळ काय ठेवावे, काय ठेवू नये, याविषयी जाणून घेऊया.
advertisement
1/6

शाळिग्राम - तुळशीजवळ शाळिग्राम ठेवून त्याची दररोज पूजा केल्याने देवी लक्ष्मीचा आशीर्वाद मिळतो आणि घरात संपत्ती आणि समृद्धी येते.
advertisement
2/6
तुपाचा दिवा - दररोज सकाळी आणि संध्याकाळी तुळशीजवळ तुपाचा दिवा लावणे अत्यंत शुभ मानले जाते. यामुळे घरात शांती आणि पवित्रता येते आणि सकारात्मक ऊर्जा वाढते.
advertisement
3/6
तुळशीजवळ लावावी अशी रोपे :मनी प्लांट: वास्तुशास्त्रानुसार तुळशीजवळ मनी प्लांट ठेवल्याने घरात चांगली स्पंदने-ऊर्जा अनेक पटीने वाढते आणि आर्थिक परिस्थिती भक्कम होते.
advertisement
4/6
केळीचे रोप: वास्तुशास्त्रानुसार तुळशीजवळ केळीचे रोप लावणे शुभ मानले जाते. त्यानं घरात सुख, सौभाग्य आणि आशीर्वाद मिळतो असे मानले जाते.तुळशीला या वस्तू अर्पण करा.
advertisement
5/6
ज्योतिषांच्या मते, आठवड्यातील शुभ दिवस पाहून किंवा एकादशीला तुळशीच्या झाडाला लाल किंवा पिवळा धागा बांधणे खूप शुभ मानले जाते. याव्यतिरिक्त, तुळशीला लाल चुनरी अर्पण केल्याने घरात लक्ष्मीची कृपा होते आणि प्रयत्नांमध्ये यश मिळते.तुळशीचे रोप लावल्याने वातावरण शुद्ध होते आणि नकारात्मक ऊर्जा दूर राहते. शालिग्राम दगडाला भगवान विष्णूचा दर्जा दिला जातो. तुळशी विवाहाच्या दिवशी तुळस आणि भगवान शालिग्राम यांचा विवाह सोहळा पार पडतो. असे मानले जाते की, या दिवशी पूजा केल्याने धार्मिक पुण्य, आनंद आणि समृद्धी मिळते.
advertisement
6/6
तुळशीजवळ या गोष्टी ठेवू नका -वास्तुशास्त्रानुसार, झाडू, बूट, चप्पल किंवा काटेरी झाडे कधीही तुळशीजवळ ठेवू नयेत. यामुळे घरात नकारात्मक ऊर्जा येते. शिवाय, तुळशीभोवती स्वच्छता राखणे अत्यंत महत्वाचे आहे.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
मराठी बातम्या/फोटोगॅलरी/राशीभविष्य/
Tulsi Vastu Tips: नियमित तुळशीची पूजा करणाऱ्यांना माहीत हव्या या गोष्टी; कुटुंबाच्या प्रगतीला पूरक