Tata Sierra चं मार्केट खाणार ही SUV? किंमतही कमी, पाहा फीचर्स कसे

Tata Sierra vs New Renault Duster: कार मार्केटमध्ये टाटा सिआराने धुमाकूळ घालता आहे. दरम्यान आता या कारला नवी रेनो डस्टर ही जोरदार टक्कर देत आहे. यामुळे न्यू रेनॉल्ट डस्टर टाटा सिएराचं मार्केट खाणार असंही बोललं जातंय.

डस्टर ही नुकतीच 2026 मध्ये लॉन्च झाली. तर सिएरा ही 2025 च्या अखेरीस लॉन्च झाली आहे. 2026 मध्ये सिएराची डिलिव्हरी सुरू झाली आहे. या दोन्हीही कार भारतीय मार्केटमध्ये लोकप्रिय आहेत. चला पाहूया दोन्ही कारची तुलना...

दोन्ही कारच्या किंमती : या दोन्ही कारच्या किंमती आपण जाणून घेऊया. नवी रेनो डस्टरचा बेस व्हिरिएंट 10.49 लाख रुपये (एक्स शोरुम) मध्ये मिळेल. तर टॉप व्हेरिएंट 18.49 रुपयांपर्यंत उपलब्ध आहे. टाटा सिएराची सुरुवातीची किंमत ही 11.49 लाखांपासून सुरू होते. तर टॉप व्हेरिएंटची किंमत ही 21.29 लाख रुपये आहे. डस्टर बेस लेव्हलवर 1 लाख रुपयांनी स्वस्त आहे. तर टॉप एंडमध्येही डस्टर जास्त परवडणारी वाटते. चला या कारच्या डिझाइनपासून तर इंजिन आणि मायलेज डिटेल्सविषयी जाणून घेऊया.

डिझाइन आणि डिटेल्स : डस्टरचा डिझाइन मॉडर्न आणखी आक्रमक आहे. हे LED हेडलँप्स, मस्कुलर ग्रिल, 212 mm ग्राउंड क्लीयरेंस आणि रग्ड लूकसह सादर करण्यात आले आहे. सिएरा क्लासिक सिएराची आठवण करुन देते. मात्र मॉडर्न टचसह ती लॉन्च करण्यात आली आहे. रुंद बॉडी, हाय स्टायलिंग, लांब व्हीलबेस (डस्टरहून 73 mm जास्त) आणि जास्त रुंद/उंजी याला खास बनवते. सिएरा जास्त प्रीमियम आणि स्पेशियस वाटते.

केबिन आणि कम्फर्ट : डस्टरमध्ये ड्युअल स्क्रीन्स (10.1-इंच इन्फोटेनमेंट + 10.25-इंच ड्रायव्हर डिस्प्ले), पॅनोरॅमिक सनरूफ, उत्तम क्वालिटी मटेरियल आणि कनेक्टेड कार फीचर्स आहेत. बूट स्पेस अधिक आहे (518-700 लिटर). सिएरा अधिक लग्जरी फील, (लांब व्हीलबेसमुळे) मागील बाजूस अधिक लेगरूम, प्रीमियम अपहोल्स्ट्री आणि प्रशस्त केबिन देते. दोन्ही गाड्यांमध्ये चांगला स्पेस आहे, परंतु सिएरामध्ये मागील पॅसेंजर्सना जास्त आराम मिळतो.

फीचर्स आणि सेफ्टी : डस्टर आणि सिएरा दोन्हीमध्ये ADAS, 360° कॅमेरा, TPMS, पॅनोरमिक सनरूफ, वायरलेस चार्जिंग मोठा टचस्क्रीन, कनेक्टेड टेक आणि प्रीमियम ऑडिओ सिस्टम मिळते. सेफ्टीसाठी दोन्हीमध्ये 6 एयरबॅग्स, ABS, EBD, ESC स्टँडर्ड आहे. ADAS आणखी मजबूत बिल्ड दोन्हीला बेस्ट बनवते.

इंजिन आणि मायलेज : डस्टर सध्या दोन इंजिन ऑप्शनमध्ये उपलब्ध आहे. पहिले 1.0L टर्बो-पेट्रोल (100 PS) आणि दुसरे 1.3L टर्बो (163 PS/280 Nm) इंजिन, यानंतर दिवाळीपर्यंत स्टाँग हायब्रिड व्हेरिएंटही येईल. या कारचं मायलेज 15-20 KMPL च्या आसपास आहे. सिएरा 1.5L NA पेट्रोल (105 PS), 1.5L टर्बो-पेट्रोल (160 PS) आणि 1.5L डिझेल (116 PS) इंजिनसह खरेदी केली जाऊ शकते. या कारचं मायलेज 16-20.5 kmpl पर्यंत आहे.