छोट्या डॉनचं मोठं प्लॅनिंग! BBM 6 मधून बाहेर पडल्यावर काय करणार? प्रभू शेळकेने सगळं सांगितलं

बिग बॉसच्या घरात आलेले कित्येक स्पर्धक बरेच फेमस झाले आहेत. त्यापैकीच एक म्हणजे प्रभू शेळके. जो आता बिग बॉस मराठी 6 च्या घरात आहे.

बिग बॉस मराठी 6 च्या घरातून कित्येक सदस्यांनी निरोप घेतलेला आहे. प्रभू शेळके आता कुठवर राहिल माहिती नाही. तो मधेच जाणार की शेवटपर्यंत राहणार हे पुढे समजेलच.

पण बिग बॉसच्या घरातून मधेच बाहेर पडणं असो वा बिग बॉस मराठी 6 संपल्यावर... छोट्या डॉनने पुढचं मोठं प्लॅनिंग करून ठेवलं आहे.

बिग बॉस मराठी 6 नंतर काय करणार, असं विचारलं असता प्रभू शेळकेने सगळं काही सांगून टाकलं आहे. रेवासोबतच्या संवादात त्याने आपला प्लॅन सांगितला.

प्रभू सांगतो, जर मला बिग बॉस कन्नडमधून ऑफर आली तर आपण तिकडे जाणार. यावर रेवा त्याला कन्नड बोलायला सांगते आणि तो बोलूनही दाखवतो, त्याचा अर्थही तो रेवाला सांगतो.

याआधी प्रभूला घरातील सदस्यांनी घरातील कोणती वस्तू घेऊन जाणार असं विचारलं असात त्याने घरातील कॅमेरा आपल्याला आठवण म्हणून आपल्यासोबत न्यायाचा आहे, असं सांगितलं होतं.

दरम्यान प्रभू शेळकेची तुलना आधीच्या बिग बॉस मराठी 5 चा विजेता.  सूरज चव्हाणशी केली जाते. दोघंही गरीब कुटुंबातील सोशल मीडिया स्टार. प्रभूनेही सूरजप्रमाणेच 'आधी उपचार, मग करिअर त्यानंतर लग्न', असं ठरवलं आहे. तो 'थॅलेसेमिया'सारख्या गंभीर आजाराशी लढा देत आहे.