Maruti Wagon R आता विसरा, Toyota आणतेय दणकट कार, पेट्रोलमध्ये मायलेज 35 किमी, किंमत तर...

सध्या सगळी ईलेक्ट्रिक वाहनांचा बोलबाला आहे. प्रत्येक वाहन उत्पादक कंपनी ही ईलेक्ट्रिक कार किंवा दुचाकी लाँच करण्याची तयारी करत आहे. मात्र, दुसरीकडे जपानची आघाडीची कार उत्पादक कंपनी टोयोटा आता लवकरच भारतात एक दमदार अशी हायब्रिड कार लाँच करण्याची तयारी करत असल्याची माहिती समोर आले आहे. कारण, या कारची चाचणी भारतीय रस्त्यावर सुरू झाली आहे. या कारचं नाव toyota aqua hybrid असं आहे. ही एक हॅचबॅक हायब्रिड कार आहे. या कारचं खास फिचर्स म्हणजे, या कारचं मायलेज हे तब्बल 35 किमी असल्याचा दावा कंपनीने केला आहे.

toyota aqua hybrid ही कार मुळात जपानच्या रस्त्यावर राज्य करत आहे. हॅचबॅक सेगमेंटमध्ये असल्यामुळे किंमत आणि मायलेजमध्ये तिथे सुझुकीलाही टक्कर देते. याच कारची सध्या भारतात चाचणी सुरू आहे. नवी दिल्लीतील एम्सजवळ toyota aqua hybrid ची चाचणी करताना कॅमेऱ्यात कैद झााली. त्यामुळे लवकरच ही कार भारतात लाँच होणार अशी दाट शक्यता आहे.

toyota aqua hybrid मॉडेल TNGA-B प्लॅटफॉर्मवर लाँच होण्याची शक्यता आहे. या कारची लांबी ४,०५० मिमी, रुंदी १,६९५ मिमी, उंची १,५०५ मिमी आणि व्हीलबेस २,६०० मिमी असण्याची शक्यता आहे.

या कारमध्ये चांगले फिचर्स दिले आहे. केबिनमध्ये कृत्रिम लेदर, आर्मरेस्ट, लेदर पॉवर सीट्स दिले आहेत. समोरच्या प्रवासी सीटच्या वरच्या बॉक्समध्ये एक टिश्यू बॉक्स ठेवता येतो, तर सेंटर कन्सोल स्लाइडिंग ट्रे चार्जिंग केबल्स आहे. कारमध्ये ७ ते १०.५-इंच ऑडिओ डिस्प्ले दिला आहे.

इंजिन आणि पॉवर toyota aqua hybrid ही हायब्रिड पॉवरट्रेन असणार आहे. म्हणजे, पेट्रोल आणि हायब्रिडवर ही कार धावणार आहे. या कारमध्ये १.५-लिटर, ३-सिलेंडर पेट्रोल इंजिन असण्याची शक्यता आहे. जे जास्तीत जास्त ८९ बीएचपी आणि १२० एनएम पॉवर जनरेट करेल.

या कारमध्ये इंजिन हे ई-सीव्हीटी गिअरबॉक्ससह जोडलं आहे. मिळालेल्या रिपोर्टनुसार, toyota aqua hybrid फ्रंट-व्हील ड्राइव्ह आणि ऑल-व्हील ड्राइव्ह कॉन्फिगरेशनमध्ये मिळण्याची शक्यता आहे.

toyota aqua hybrid मध्ये जी बॅटरी दिली आहे त्यात बायपोलर निकेल-मेटल हायड्राइड युनिट असेल. जे मानक Ni-MH बॅटरीच्या तुलनेत जास्त आउटपुट देईल. ती आकाराने कॉम्पॅक्ट राहील आणि ग्राहकांना रूटेड ड्रायव्हिंगचा अनुभव देईल. हे मॉडेल जर भारतात लाँच झालं तर मारुती सुझुकी वॅगनॉरला टक्कर देईल. कारण, कंपनीने ही कार ३५.८ किमी लिटर इतक मायलेज देईल असा दावा केला आहे.

किंमत किती? जपानमध्ये toyota aqua hybrid ही विक्रीसाठी उपलब्ध आहे. या कारचं बेस मॉडेल हे जपानी चलन 1,980,000 येन रुपये इतके आहे. भारतीय चलनामध्ये या कारची किंमत ही 1160003 इतकी होते. तर याच कारच टॉपचं मॉडेल हे जपानी चलन 2,598,000 येन इतकं आहे. जर भारतीय चलनात विचार केला तर १५ लाख रुपये या कारची किंमत होईल.