Akshay Kumar Car Accident: खिलाडी अक्षयकुमारच्या ताफ्यातील कारचा भीषण अपघात, नांगरे पाटीलही घटनास्थळी पोहोचले, PHOTOS

अभिनेता अक्षय कुमारच्या ताफ्यातील वाहनाला अपघात घाल्याची घटना समोर आली आहे. सिनेमाचं शुटिंग संपवून अक्षय कुमार घरी चालला होता. त्या दरम्यान, अक्षय कुमारच्या ताफ्यातील एका सुरक्षारक्षकांची इनोव्हा कारने रिक्षाला धडक दिली. या अपघातात रिक्षाचालक जखमी झाला आहे. रिक्षाचालकाला तातडीने रुग्णालयात दाखल केलं आहे.

मुंबईतील जुहू गांधीग्राम रोडवर ही घटना घडली आहे. अभिनेता अक्षय कुमार शुटिंग संपवून परत येत होता. अक्षय आपल्या मर्सिडीज कारमध्ये बसलेले होता. त्याच्यासमोर एक सुरक्षारक्षकांची इनोव्हा एमपीव्ही गाडी होती. अचानक सुरक्षारक्षकांच्या इनोव्हाने एका रिक्षाला धडक दिली

अपघातानंतर इनोव्हा पलटी झाली आहे. इनोव्हाच्या धडकेमुळे रिक्षाचं प्रचंड नुकसान झालं आहे. रिक्षाचं छत पूर्णपणे उद्धवस्त झालं आहे. तातडीने या रिक्षाचालकाला नजीकच्या रुग्णालयात दाखल करण्यात आलं आहे.

स्वत: अक्षयकुमारने रिक्षाचालकाला रुग्णालयात दाखल करण्यासाठी मदत केली असल्याचं सांगितलं जात आहे. या अपघातात सुरक्षारक्षकांच्या इनोव्हा आणि रिक्षाचं नुकसान झालं आहे.

रात्री 9:30 च्या सुमारास ही घटना घडली आहे. घटनेची माहिती मिळतााच विश्वास नांगरे पाटील घटनास्थळी पोहोचले होते.

घटनेची माहिती मिळताच पोलीस आणि अग्निशमन दलाचे जवान घटनास्थळी दाखल झाले होते. तातडीने या रिक्षाचालकाला नजीकच्या रुग्णालयात दाखल करण्यात आलं आहे.