फायटिंग महागात पडलं! अशनूर कौर Bigg Boss मधून बाहेर; पण 14 आठवड्यांत कमावले तब्बल 'इतके' लाख रुपये!

मुंबई: छोट्या पडद्यावरील लोकप्रिय चेहरा, अवघी २१ वर्षांची अभिनेत्री अशनूर कौरला 'बिग बॉस १९' मधून अचानक एक्झिट घ्यावी लागली. वीकेंड का वारमध्ये सहस्पर्धक तान्यावर शारीरिक हल्ला केल्यामुळे तिला घराबाहेरचा रस्ता दाखवण्यात आला.

तिच्या या धक्कादायक एक्झिटमुळे चाहते नाराज झाले असले तरी, फक्त १४ आठवड्यांमध्ये तिने या शोमधून केलेल्या कमाईचा आकडा सध्या चर्चेचा विषय ठरला आहे.

अशनूर कौरने लहानपणापासून अनेक सुपरहिट टीव्ही शोमध्ये काम केले आहे. ती टीव्ही शोच्या एका एपिसोडसाठी सुमारे ४० हजार रुपये फी घेते. याशिवाय मॉडलिंग असाइनमेंट्स आणि इन्स्टाग्रामसारख्या सोशल मीडिया प्लॅटफॉर्मवरूनही तिची मोठी कमाई होते.

इन्स्टाग्रामवर तिचे १०.५ मिलियनहून अधिक फॉलोअर्स आहेत, जे तिच्या ब्रँड व्हॅल्यूची ताकद दर्शवतात. मीडिया रिपोर्ट्सनुसार, अशनूर कौरची एकूण संपत्ती ७ कोटी रुपयांच्या आसपास आहे.

अशनूर कौर ही टीव्हीवरील एक मोठी स्टार आहे. त्यामुळे 'बिग बॉस'मध्ये येण्यासाठी तिला तगडी फी मिळाली. जागरण हिंदीच्या एका रिपोर्टनुसार, 'बिग बॉस'मध्ये एका आठवड्यासाठी अशनूर कौरला तब्बल ६ लाख रुपये इतकी भरभक्कम फी दिली जात होती.

ती १४ आठवडे घरात राहिली. म्हणजेच, 'बिग बॉस १९' मधून तिने जवळपास ८४ लाख रुपये इतकी मोठी रक्कम आपल्या नावावर केली आहे. वयाच्या २१ व्या वर्षी एवढी मोठी कमाई करणे हे निश्चितच कौतुकास्पद आहे.

अशनूर कौर बाहेर पडल्यानंतर 'बिग बॉस १९' च्या घरात आता फक्त गौरव खन्ना, अमाल मलिक, शहबाज, फरहाना भट्ट, मालती चहर, तान्या मित्तल आणि प्रणित मोरे हे स्पर्धक उरले आहेत. अशनूरला जरी बाहेरचा रस्ता दाखवण्यात आला असला, तरी तिने या शोमधून लाखो चाहत्यांची मनं जिंकली आहेत.