'बिग बॉस'चा मोठा धक्का! एक नाही, दोन सदस्य Bigg Boss Marathi 6 मधून OUT; पहिला प्रभू मग दुसरा कोण?

बिग बॉस मराठी 6 मध्ये यावेळी सदस्यच नाही तर प्रेक्षकांनाही मोठा धक्का मिळाला आहे. या आठवड्यात एक नाही तर दोन सदस्य घरातून बाहेर गेले आहेत.

बिग बॉस मराठी 6 मधून छोटा डॉन प्रभू शेळके बाहेर पडल्याची माहिती आहे. त्यामुळे काटा ग्रुपसाठी हा मोठा धक्का आहे.

पण आता प्रभूसोबत आणखी एक सदस्य घराबाहेर जाणार आहे. या आठवड्यात डबल एव्हिक्शन होणार असल्याचं भाऊचा धक्कावर रितेश देशमुखने जाहीर केलं आहे.

बिग बॉस मराठी 6 च्या भाऊचा धक्काचा प्रोमोमध्ये रितेश काटा आणि टोळी दोन्ही ग्रुपमधील एक एक सदस्य बाहेर पडणार असल्याचं सांगतो.

या आठवड्यात टॉप 10 पैकी एकूण 7 सदस्य नॉमिनेट झाले होते. यामध्ये दिपाली सय्यद, प्रभू शेळके, राकेश बापट, रेवा कौरासे, अनुश्री माने, सागर कारांडे आणि संकेत पाठक यांचा समावेश होता.

काटा गँगमधील दिपाली, रेवा, राकेश आणि प्रभू यांचा समावेश आहे. त्यापैकी प्रभूच्या नावावर तर शिक्कामोर्तब झालं आहे.

तर टोळी गँगमधील सागर, अनुश्री, संकेत नॉमिनेट झाले आहेत. आता या तिघांपैकी नेमका कोण घरातून बाहेर पडणार?

टोळी गँगमधील बिग बॉस मराठीच्या घरातून बाहेर पडणारा तो सदस्य आहे संकेत पाठक. ज्याचा या घरातील प्रवास संपला संपल्याची चर्चा आहे. सोशल मीडियावर त्याचं नाव समोर आलं आहे. 

सुरुवातीचे 17 स्पर्धक आणि त्यानंतर 4 वाइल्ड कार्ड एंट्री, असा बिग बॉस मराठीचा सहावा सीझन ज्यात आता फक्त 8 स्पर्धक उरले आहेत.  यामध्ये अनुश्री, राकेश, तन्वी, सागर, दिपाली, रेवा, विशाल, राखी यांचा समावेश आहे. आता या सीझनचा विजेता कोण होणार याकडे सगळ्यांचं लक्ष लागलं आहे. तसंच बिग बॉस मराठी 6 चा फिनाले कधी होणार हा प्रश्नही चाहत्यांना पडला आहे. मिळालेल्या माहितीनुसार, या सीझनचा ग्रँड फिनाले 19 एप्रिल 2026 रोजी म्हणजेच रविवारी पार पडणार आहे.