मराठी बिग बॉसनंतर मराठी फिल्ममध्येही दिसणार ड्राम क्वीन राखी! Bigg Boss Marathi 6 च्या घरात सांगितलं चित्रपटाचं नाव

बिग बॉस मराठी 6 च्या घरात 10 मार्चला (मंगळवारी) नॉमिनेशन टास्क पार पडला. ज्यात घरच्या पत्राद्वारे नॉमिनेशन करण्यात आलं.

प्रत्येक सदस्याच्या घरचं पत्र आलं होतं. दोन सदस्यांना एकमेकांची पत्र घ्यायची होती आणि त्यांनी एकमेकांना आपल्याला पत्र वाचायला देण्यासाठी विनंती करायची होती.

पत्र मिळालं तर तो सदस्य सेफ आणि पत्र नाही मिळालं तर तो सदस्य नॉमिनेट असा हा टास्क होता. यावेळी राखी सावंतला तिचा भाऊ राकेश सावंतचं पत्र आलं होतं.

राखी सावंतच्या भावाने या पत्रात राखीच्या मराठी फिल्मबाबत सांगितलं. राखीचा भाऊ म्हणाला, "बिग बॉसमधून बाहेर आल्यावर आपली मराठी फिल्म सुरू होणार आहे"

याच पत्रात राखीच्या भावाने राखीच्या मराठी फिल्मचं नावही सांगितलं आहे. रावडी राखी असं या फिल्मचं नाव आहे.

राखी सावंत मैं हू ना, मस्ती, दिल बोले हडिप्पा, क्रेझी 4 अशा बऱ्याच हिंदी फिल्ममध्ये छोट्या भूमिका केल्या आहेत.

हिंदी आणि मराठी बिग बॉसमध्ये ती सतत दिसत आली आहे. आता बिग बॉस मराठी 6 मधून बाहेर पडल्यानंतर तिला मराठी फिल्ममध्ये पाहण्यासाठी चाहते उत्सुक आहेत.