चुपsss चुपsss चुपsss, राकेश - अनुश्री पुन्हा आमने सामने, BBM 4 च्या घरात आता कोणता नवी ड्रामा?

या आठवड्याच्या सुरुवातीलाच बिग बॉस मराठीच्या घरात राकेश बापट आणि अनुश्री माने यांच्यात कडाक्यात भांडण झालं. अनुश्रीने राकेशवर नको नको ते आरोप केले. ज्यामुळे राकेश खूप हर्ट झाला.

अनुश्रीला बोलण्याची पद्धत नाही असं म्हणत बाहेर सोशल मीडियावरही देखील तिला प्रचंड ट्रोल करण्यात आलं. दरम्यान पुन्हा एकदा बिग बॉसच्या घरात राकेश आणि अनुश्री आमने सामने आले आहेत.

नुकत्याच प्रदर्शित झालेल्या नवीन प्रोमोमध्ये राकेश बापट आणि अनुश्री माने यांच्यात प्रचंड मोठे भांडण झाल्याचे समोर आले आहे.

प्रोमोमध्ये राकेश कमालीचा संतापलेला दिसत असून तो घरातील कामाच्या मुद्द्यावरून अनुश्रीवर निशाणा साधताना दिसतोय.

"घरात एकही काम न करणाऱ्या मुलीचे आपण का ऐकून घ्यायचे?" असा प्रश्न राकेशने उपस्थित केला आहे. राकेशचा हा आक्रमक अवतार पाहून घरातील इतर सदस्यही अवाक झाले आहेत.

दुसरीकडे अनुश्रीनेही राकेशला जोरदार प्रत्युत्तर दिले आहे. दोघांमध्ये एकमेकांवर ओरडण्याची आणि 'चूप' राहण्याची स्पर्धाच लागली आहे.

राकेश वारंवार तिला गप्प राहण्यास सांगत असताना अनुश्रीनेही त्याला तितक्याच प्रखरपणे उत्तर दिले आहे.

घरात शांत राहणारा राकेश यावेळी इतका का चिडला? या भांडणात कोणाची बोलती होणार बंद? हे पाहणे आता रंजक ठरणार आहे, याकडे प्रेक्षकांचे लक्ष लागले आहे.

अनुश्रीने याआधी प्राजक्ता शुक्रेलाही शिव्या दिल्या. ज्यामुळे घरातील वातावरण चांगलंच तापलं होतं. दिपालीने तिला समजावलं होतं. घरात सगळं शांत झालेलं असताना पुन्हा एकदा वाद पाहायला मिळणार आहेत. 

अनुश्री मानेची घरात बोलण्याची भाषा, भांडण, समोरच्याचा आदर न ठेवणं या सगळ्यावर घरातील सगळेच नाराज आहेत. टोळी गँगच्या सगळ्याच सदस्यांवर घरातील इतर लोक नाराज आहेत.

अशातच राकेश आणि अनुश्रीचं पुन्हा भांडण झालं. दोघे एकमेकाला चुप बसण्यास सांगत आहेत. पण दोघांमधील कोण कोणाला शांत करणार हे पाहणं आजच्या भागात इंट्रेस्टिंग ठरणार आहे.