2 तास 21 मिनिटांची देशातली पहिली हॉरर फिल्म, थरकाप उडवणाऱ्या कथा, धडकी भरवणारा शेवट OTT वर पाहाच

हॉरर चित्रपटांची (Horror Movie) सध्या चांगलीच क्रेझ पाहायला मिळते. हॉरर जॉनर असणारे चित्रपट सध्या प्रेक्षकांच्या विशेष पसंतीस उतरत आहेत. एकीकडे हे चित्रपट प्रेक्षकांना आवडत आहेत तर दुसरीकडे त्यांची झोपदेखील उडवत आहेत. पण देशातला पहिला हॉरर चित्रपट कोणता होता हे तुम्हाला माहिती आहे का? जाणून घ्या

भारतातला पहिला हॉरर चित्रपट 1949 मध्ये आला होता. 'महल' असं या चित्रपटाचं नाव होतं. या चित्रपटाने प्रेक्षकांना खूप घाबरवलं होतं. आजही फक्त या चित्रपटाचं नाव ऐकूणच अनेकांच्या अंगावर शहारे येतात.

देशातला पहिलावहिला हॉरर चित्रपट 40 दशकांआधी रिलीज झाला होता. कमल अमरोही यांनी या चित्रपटाच्या दिग्दर्शनाची धुरा सांभाळली होती. त्यावेळी हा सुपरहिट चित्रपट ठरला होता. या चित्रपटाने प्रेक्षकांना भुतांशी सामना घडवून दिला होता.

'महल' या चित्रपटात अशोक कुमार आणि 15 वर्षांची मधुबाला मुख्य भूमिकेत होते. चित्रपटाची कथा अशोक कुमार यांच्या पात्राभोवती फिरते, जे एका फार जुन्या वाड्यात राहायला जातात. तिथे त्यांची भेट रहस्यमय स्त्री, मधुबालाच्या पात्राशी होते. ती स्त्री स्वतःला अशोक कुमार यांच्या मागील जन्मातील प्रेयसी असल्याचे सांगते. हळूहळू चित्रपटाची कथा पुढे सरकत जाते.

'महल' या चित्रपटाची निर्मिती बॉम्बे टॉकीजने केली होती आणि ती त्या काळातील सर्वात महागड्या चित्रपटांपैकी एक होती.

'महाल' या चित्रपटाची निर्मिती 12 लाख रुपयांत करण्यात आली होती आणि या चित्रपटाने त्यावेळी 1 ते 2 कोटी रुपयांची कमाई केली होती. या चित्रपटासाठी अतिशय भव्य सेट उभारण्यात आला होता.

अशोक कुमार आणि मधुबाला यांची जोडी त्याकाळी प्रेक्षकांना खूप आवडली होती. त्या काळातील चित्रपटांतील गाणी आजही क्लासिक मानली जातात. हा चित्रपट तुम्हाला शेवटपर्यंत खिळवून ठेवतो. भयपट ‘महाल’ नेच भारतीय सिनेमात हॉरर विषयाची पायाभरणी केली आणि त्यानंतर अनेक भयपट आले. हा चित्रपट आजही प्रेक्षकांच्या मनात तितकाच लोकप्रिय आहे.