Madhuri Dixit : ...अन् माधुरीचे केसच जळाले; ऐन दिवाळीत धकधक गर्लसोबत घडली होती भयंकर घटना

दिवाळी आणि दिवाळीत घडलेले अनेकांचे अनेक किस्से आहेत. बॉलिवूडची धकधक गर्ल माधुरी दीक्षितने देखील तिची दिवाळीची एक आठवण शेअर केली.

पण ही आठवण डोकं चक्रावणारी आहे. दिवाळी सेलिब्रेट करताना माधुरीला मुंडण करण्याची वेळ आली होती.

माधुरीने तिच्या एका मुलाखतीत सांगितलं होतं, बालपणी आपल्या मित्रांबरोबर दिवाळी साजरी करताना फटाके उडवायचो. एकदा एका मित्राने तिच्या हातात एक फटाका ठेवला.

माधुरीला तो व्यवस्थित पकडता आला नाही आणि फटाका अचानक हातातच फुटला. माधुरीचे केस जळाले.

तिच्या आई-वडिलांना नाइलाजास्तव माधुरीचं मुंडन केलं. फटाक्यांमुळे केस जळून जाणं आणि त्यानंतर मुंडण करण्याची वेळ येणं हे खूप शॉकिंग होतं.

माधुरीला तिचे लांबसडक काळेभोर केस परत मिळवण्यासाठी अनेक वर्ष लागली. तोपर्यंत तिचे आई वडिलही चिंतेत होते.

माधुरीने पुढे सांगितलं, "त्या धक्कादायक अनुभवानंतर मी दिवाळीत फटाके उडवणंच सोडून दिलं. मी दिवाळीत पुन्हा कधीच फटाके उडवले नाही."

तो धक्कादायक प्रसंगाचा माधुरीच्या मनावर खोलवर परिणाम झाला. आजही ती दिवाळी साजरी करताना फार सुरक्षिततेनं साजरी करते. ती तिच्या मुलांनाही फटाके उडवताना सावधान रहायला सांगते.