नऊवारी साडी, हिरवा चुडा! प्रियदर्शनी इंदलकरनं गुपचूप उरकलं लग्न? कोण आहे तिचा रिअल लाइफ ओमकार राऊत!

'महाराष्ट्राची हास्यजत्रा' या लोकप्रिय कार्यक्रमातून घराघरात पोहोचलेली अभिनेत्री प्रियदर्शनी इंदलकर सध्या एका फोटोमुळे चांगलीच चर्चेत आली आहे. सोशल मीडियावर व्हायरल झालेल्या या फोटोमध्ये प्रियदर्शनी नवरीच्या वेशात दिसत आहे. त्यामुळे चाहते शॉक झालेत. प्रियदर्शनीचं लग्न ठरलं का? असा प्रश्न अनेकांना पडला आहे.

व्हायरल फोटोमध्ये प्रियदर्शनी गुलाबी रंगाची नऊवारी साडी नेसलेली दिसते. कपाळावर मुंडावळ्या, हातात हिरवा चुडा आणि पारंपरिक मराठमोळा लूकमध्ये दिसत आहेत.

या फोटोसोबत कोण आहे तो नशीबवान? अशा कॅप्शनमुळे चर्चेला आणखी हवा मिळाली आहे. काही नेटकऱ्यांनी तर तिने गुपचूप लग्न उरकल्याचा अंदाजही बांधला आहे.

नवरीच्या वेशातील प्रियदर्शनी इंदलकचा फोटो समोर आल्यानंतर प्रेक्षकांनी अनेक तर्क लावण्यास सुरुवात केली आहे.  हा फोटो एखाद्या आगामी सिनेमाच्या प्रमोशनसाठी काढण्यात आल्याचं त्यांनी म्हटलं जात आहे. हा लुक केवळ एका भूमिकेसाठीचाअ असावा असं म्हटलं जात आहे. प्रियदर्शनीने याबाबत कोणतीही अधिकृत माहिती दिलेली नाही. 

प्रियदर्शनी इंदलकरचं नाव याआधी 'महाराष्ट्राची हास्यजत्रा'मधील तिचा सहकलाकार ओमकार राऊतसोबत जोडलं गेलं होतं. दोघांनीही अनेक स्किट्समध्ये एकत्र काम केलं होतं.

प्रियदर्शनी आणि ओमकार यांची ऑन-स्क्रीन केमिस्ट्रीला प्रेक्षकांची विशेष पसंती मिळाली आहे. याशिवाय दोघांचे अनेक फोटो सोशल मीडियावर व्हायरल होत असतात ज्यामुळे त्यांच्या नात्याबाबत चर्चा रंगत असतात.

आता प्रियदर्शन इंदलकरचा 'रिअल लाइफ ओमकार राऊत' आहे तरी कोण? हा प्रश्न चाहत्यांना पडला आहे.  नवरीच्या वेशातील प्रियदर्शनीचा फोटो सिनेमाचं प्रमोशन आहे की खऱ्या आयुष्यात तिनं लग्न केलं आहे हे जाणून घेण्यासाठी तिचे चाहते उत्सुक आहेत.

प्रियदर्शनीच्या वर्कफ्रंटबद्दल सांगायचं झाल्यास, ती 'दशावतार' या मराठी सिनेमात दिसली होती. ज्येष्ठ अभिनेते दिलीप प्रभावळकर या सिनेमात प्रमुख भूमिकेत होते. या सिनेमात प्रियदर्शनीने वंदू ही भूमिका साकारली होती. सिनेमात तिची अत्यंत महत्त्वाची भूमिका होती.

ज्येष्ठ अभिनेते दिलीप प्रभावळकर यांच्याबरोबरच अभिनेता सिद्धार्थ मेननबरोबर तिने स्क्रिन शेअर केली.  दशावतार हा सिनेमा 2025 मधील सर्वाधिक कमाई करणारा मराठी सिनेमा ठरला.