Yogita - Saurabh : मालिकेत सूर जुळले, पण दीड वर्षातच विभक्त? घटस्फोटांच्या चर्चांवर योगिताची पहिली प्रतिक्रिया

छोट्या पडद्यावर लोकप्रिय कपल असलेल्या जय भानुशाली आणि माही वीज यांनी लग्नाच्या 14 वर्षांनी डिवोर्स घेतला. दोघांच्या या निर्णयाने चाहत्यांना धक्का बसला.

माही आणि जय यांच्या डिवोर्सची बातमी ताजी असतानाच दुसरीकडे प्रसिद्ध मराठी अभिनेत्री योगिता चव्हाण आणि सौरभ चौघुले यांच्या डिवोर्सच्या चर्चा रंगल्या सुरू झाल्या आहेत.

2021 मध्ये कलर्स मराठीवरील 'जीव माझा गुंतला' या मराठी मालिकेतून सौरभ आणि योगिता यांची जोडी प्रसिद्धीझोतात आली होती.

मालिकेत त्यांनी साकारलेली अंतरा आणि मल्हार ही व्यक्तीरेखा प्रेक्षकांना प्रचंड आवडली.

'जीव माझा गुंतला' ही मालिका संपल्यानंतर मार्च 2024मध्ये अभिनेत्री योगिता आणि सौरभ यांनी लग्न केलं. पण आता लग्नाच्या एक वर्षातच दोघांचं बिनसल्याचं दिसतंय.

योगिता आणि सौरभ सोशल मीडियावर प्रचंड सक्रीय आहेत. मालिकेच्या वेळेसही त्यांची केमिस्ट्री प्रेक्षकांना प्रचंड आवडली होती. पण लग्नाच्या वर्षभरातच दोघांमध्ये बिनसल्याचं दिसतंय.

सौरभ आणि योगिता यांचं इन्स्टाग्राम अकाऊंट चेक केलं असता दोघांचे एकमेकांसोबत असलेले लग्नानंतरचे सगळे फोटो गायब आहे. केवळ दोघांचे मालिकेतील फोटो पाहायला मिळत आहेत.

सौरभ आणि योगिता यांच्या लग्नाचे तसेच फुकेत येथील फोटो देखील डिलिट करण्यात आलेत. दोघांनी इन्स्टाग्रामवर एकमेकांना अनफॉलो केलं आहे.

दरम्यान सौरभने दिवाळी धनत्रयोदशीच्या शुभेच्छा दिल्या. त्यातही तो एकटाच दिसत होता. त्यावरही चाहत्यांनी योगिता कुठे आहे अशा कमेंट केल्या होत्या.

सौरभ आणि योगिता यांच्या डिवोर्सच्या चर्चांदरम्यान न्यूज 18 मराठीनं योगिताशी संपर्क साधला असता तिने पर्सनल लाइलवर बोलायचं नाहीये असं म्हणत भाष्य करणं टाळलं. तर सौरभशी संपर्क होऊ शकला नाही.

सध्या सिनेइंडस्ट्रीत सुरू असलेल्या चर्चांनुसार, गेल्या काही दिवसांपासून सौरभ आणि योगिता वेगवेगळे राहत आहेत.