Netflix Trending Movies : नेटफ्लिक्सवर ट्रेंड करतायत या 10 फिल्म, 2025 संपण्याआधी एकदा पाहून टाका

रात अकेली है : राधिका आपटे आणि नवाजुद्दीन सिद्दीकी यांची 'रात अकेली है' ही फिल्म 2025 मध्ये प्रदर्शित झाला आहे. या चित्रपटाला प्रेक्षकांचा चांगला प्रतिसाद मिळाला. या चित्रपटाच्या माध्यमातून नवाजुद्दीन सिद्दीकी पुन्हा एकदा मर्डर मिस्ट्री करताना पाहायला मिळत आहेत. नेटफ्लिक्सवर हा चित्रपट पहिल्या क्रमांकावर ट्रेंड करत आहे.

द ग्रेट फ्लड : साऊथ कोरियाची 'द ग्रेट फ्लड' ही फिल्म नेटफ्लिक्सवर दुसऱ्या क्रमांकावर आहे. पुरासारख्या गंभीर गोष्टीवर या फिल्ममध्ये भाष्य करण्यात आलं आहे.

कांथा : दुलकर सलमानचा 'कांथा' हा चित्रपट नेटफ्लिक्सवर रिलीज झाला आहे. एक दिग्दर्शक आणि कलाकाराचं नातं या फिल्ममध्ये दाखवण्यात आलं आहे. दोघेही एका चित्रपटावर काम करत आहेत. ही फिल्म नेटफ्लिक्सच्या ट्रेडिंग लिस्टमध्ये तिसऱ्या क्रमांकावर आहे.

द गर्लफ्रेंड : रश्मिका मंदानाचा बहुचर्चित द गर्लफ्रेंड' हा चित्रपट नेटफ्लिक्सवर चौथ्या क्रमांकावर ट्रेंड करत आहे. या सिनेमात रश्मिकाने भूमा नामक एका मुलीचं पात्र साकारलं आहे. भूमा ही टॉक्सिक रिलेशनशिपमध्ये असून तिला त्यातून बाहेर पडता येत नाही आहे. पण या सिनेमाचा शेवट मात्र आनंद देणारा आहे.

वेक अप डेड मॅन : 'वेक अप डेड मॅन' या चित्रपटात अमेरिकन मिस्ट्री दाखवण्यात आली आहे. या चित्रपटात डेनियल क्रेग महत्त्वाच्या भूमिकेत आहे. हा सिनेमा नेटफ्लिक्सवर पाचव्या क्रमांकावर ट्रेंड करतोय. अनेक रहस्य या सिनेमात दाखवण्यात आले आहेत.

सनी संस्कारी की तुलसी कुमारी : 'सनी संस्कारी की तुलसी कुमारी' ही फिल्म मागील तीन आठवड्यांपासून नेटफ्लिक्सवर ट्रेंड करत आहे. जान्हवी कपूर आणि वरुण धवन या चित्रपटात महत्त्वाच्या भूमिकेत आहेत. एक अनोखी लव्हस्टोरी या सिनेमात दाखवण्यात आली आहे. नेटफ्लिक्सच्या ट्रेडिंग लिस्टमध्ये ही फिल्म सहाव्या क्रमांकावर आहे.

Premante : नेटफ्लिक्सच्या Premante या फिल्ममध्ये एक नवी लव्हस्टोरी दाखवण्यात आली आहे. नुकतंच लग्न झालेल्या एका जोडप्याभोवती या सिनेमाचं कथानक फिरतं. नेटफ्लिक्सवर ही फिल्म 7 नंबरवर ट्रेंड करत आहे.

जॉली LLB 3 : अक्षय कुमार आणि अरशद वारसी यांचा कोर्टरुम ड्रामा 'जॉली LLB 3' ही थिएटरनंतर आता ओटीटीवरील प्रेक्षकांच्याही पसंतीस उतरत आहे. नेटफ्लिक्सवर ही फिल्म आठव्या क्रमांकावर ट्रेंड करत आहे.

स्टेफेन : स्टेफेन या चित्रपटात 9 मुली अचानक गायब होताना दाखवण्यात आलं आहे. एका सीरियल किलरचा हा चित्रपट शोध घेतो. ही फिल्म 9 व्या क्रमांकावर ट्रेंड करत आहे.

होमबाउंड : ईशान खट्टर आणि विशाल जेठवा यांचा 'होमबाउंड' हा सिनेमा ऑस्करसाठी नॉमिनेट झाला होता. दोन मित्रांच्या गोष्टीवर ही फिल्म भाष्य करते. नेटफ्लिक्सवर हा सिनेमा दहाव्या क्रमांकावर ट्रेंड करत आहे.