1 तास 35 मिनिटांची सायकोलॉजिकल थ्रिलर फिल्म, जबरदस्त सस्पेन्स, शेवटपर्यंत हटणार नाही स्क्रीनवरून नजर

प्लॅटफॉर्मवर प्रत्येक आठवड्यात नव-नवीन फिल्म आणि सीरिज रिलीज होत असतात. या वेगवेगळ्या जॉनरच्या फिल्म-सीरिज प्रेक्षकांचं चांगलच मनोरंजन करतात. प्रत्येक आठवड्याला नेटफ्लिक्स, प्राईम व्हिडीओ, सोनी लिव, जिओ हॉटस्टार, झी 5 अशा विविध ओटीटी प्लॅटफॉर्मवर या फिल्म-सीरिज रिलीज होत असतात.

ओटीटीवर सध्या गेल्यावर्षी थिएटर गाजवणारा एक सिनेमा धुमाकूळ घालतोय. थिएटर रिलीजच्या तीन महिन्यांनंतर आता हा सिनेमा नेटफ्लिक्स या ओटीटी प्लॅटफॉर्मवर रिलीज झाला आहे.

सायकोलॉजिकल थ्रिलर चित्रपट नेहमीच सस्पेन्स, मर्डर-मिस्ट्री दाखवतात. काही चित्रपटांमधील सस्पेन्स इतका जबरदस्त असतो की प्रेक्षकांची नजर स्क्रीनवरून हटतच नाही. अलीकडेच OTT वर रिलीज झालेला 'बोन लेक' (Bone Lake) हा हॉलिवूड सिनेमा या सायकोलॉजिकल थ्रिलर्सपैकी एक आहे.

मर्सिडीज ब्राइस मॉर्गन दिग्दर्शित या अमेरिकन एरोटिक थ्रिलर बोन लेकमध्ये मॅडी हॅसन, अ‍ॅलेक्स रो, अँद्रा नेचिता आणि मार्को पिगोसी हे कलाकार महत्त्वाच्या भूमिकेत आहेत. चित्रपटाची कथा जोशुआ फ्रीडलँडर यांनी लिहिली आहे. 1 तास 35 मिनिटांचा हा सिनेमा सायकोलॉजी, मिस्ट्री आणि क्राइमने भरलेला आहे.

ओटीटीवर रिलीज होण्याआधी 'बोन लेक' 3 ऑक्टोबर 2025 रोजी थिएटरमध्ये रिलीज झाला होता. याआधी दोन वर्षांपूर्वी, म्हणजे 2024 मध्ये, फँटॅस्टिक फेस्टमध्ये या चित्रपटाचा प्रीमियर झाला होता. या चित्रपटाची कथा एका जोडप्याभोवती फिरते, जे सुट्टीसाठी एका लेकसाइड कंट्री हाऊसमध्ये जातात. तिथे त्यांना आणखी एक जोडपं भेटतं.

मुळात त्यांनी घर फक्त स्वतःसाठी बुक केलेलं असते. पण नंतर लक्षात येते की ते घर डबल बुक झाले आहे. शेवटी दोन्ही जोडपी एकत्र घर शेअर करायला तयार होतात. मात्र त्यांना कल्पनाही नसते की त्यांचा हा निर्णय किती भयानक ठरणार आहे. पुढे चित्रपटाची कथा रक्तरंजित खेळ आणि रहस्यांनी भरलेली होत जाते.

'बोन लेक' या सिनेमाला प्रेक्षकांची पसंती मिळाली होती. बॉक्स ऑफिसवर हा सिनेमा हिट ठरला होता. आता रिलीजच्या तीन महिन्यांनंतर हा सायकोलॉजिकल थ्रिलर सिनेमा नेटफ्लिक्स या ओटीटी प्लॅटफॉर्मवर रिलीज झाला आहे.