6 एपिसोडची क्राइम-थ्रिलर सीरिज, काळजाचा ठोका चुकवणारा प्रत्येक सीन, Netflix वर आहे नंबर 1

ओटीटीवर वेबसीरिज पाहणाऱ्यांचा मोठा वर्ग आहे. वीकेंडला प्रत्येक घरबसल्या ओटीटीवर सीरिज पाहायला प्रेक्षकांना आवडतं. ओटीटीवर रिलीज झालेली एक वेबसीरिज रिलीज होताच नेटफ्लिक्सवर ट्रेंड करत आहे. नेटफ्लिक्स या प्लॅटफॉर्मवर ही सीरिज पहिल्या क्रमांकावर ट्रेंड करत आहे.

ओटीटीवर रिलीज झालेली ही सीरिज सत्य घटनेवर आधारित आहे. या सीरिजमध्ये तुम्हाला दहशतीसोबतच क्रूरतेची घटनादेखील पाहायला मिळेल. दिल्लीतील वास्तविक घटनेवर आधारित या सीरिजचे नाव ‘दिल्ली क्राइम 3’ आहे. शेफाली शाह आणि हुमा कुरैशी या सीरिजमध्ये मुख्य भूमिकेत आहेत.

शेफाली शाह आणि हुमा कुरैशी यांच्या 'दिल्ली क्राइम 3' या वेब सीरिजमध्ये 2012 मध्ये घडलेल्या बेबी फलकची गोष्ट दाखवण्यात आली आहे. बेबी फलकला गंभीर जखमी अवस्थेत एम्स रुग्णालयात दाखल करण्यात आले होते.

ओटीटीवर 13 नोव्हेंबरला रिलीज झालेली ही सीरिज नेटफ्लिक्सवर सध्या ट्रेंड करत आहे. या सीरिजमध्ये एकूण 6 एपिसोड आहेत. या एपिसोडपैकी एक एपिसोड पाहताना तुम्ही बोर व्हाल. पण एकंदरीत प्रत्येक एपिसोडला नवा ट्विस्ट पाहायला मिळत आहे.

शेफाली शाह आणि हुमा कुरैशी यांनी आपल्या दर्जेदार अभिनयाने प्रेक्षकांना थक्क केलं आहे. या सीरिजच्या माध्यमातून हुमा कुरैशी पहिल्यांदाच नकारात्मक भूमिकेत झळकणार आहे. 'बडी दीदी'च्या भूमिकेत हुमा कुरैशी खूप खतरनाक दिसत आहे.

'दिल्ली क्राइम 3' या सीरिजमध्ये 2012 मधील बेबी फलकच्या घटनेसोबत महिला तस्करीच्या वाईट कारस्थानांनाही दाखवण्यात आले आहे. ‘बडी दीदी’ नावाची एक महिला हे संपूर्ण रॅकेट चालवते. पोलिसांच्या नजरेतून बचाव करून ‘बडी दीदी’ची गँग त्या मुलींना पळवून नेत असते. ज्या आपल्या घरातून नोकरीच्या शोधात बाहेर पडतात. तसेच या मुलींना नोकरीचे आमिष दाखवून ‘बडी दीदी’च्या गँगचे सदस्य त्यांना उचलून नेतात. आता या संपूर्ण केसची जबाबदारी दिल्ली पोलिसांवर येते. पण नंतर कथानकात ट्विस्ट येतो. हा ट्विस्ट नक्की काय असेल हे जाणून घेण्यासाठी तुम्हाला सीरिजच पाहावी लागेल.

'दिल्ली क्राइम'चे आधीचे दोन्ही सीझन प्रचंड गाजले आहेत. आता तिसरा सीझनदेखील प्रेक्षकांच्या पसंतीस उतरत आहे. परीक्षक आणि प्रेक्षकांकडून या सीरिजचं कौटुक होत आहे.