Prajakta Mali : 'मला असा माणूस शोधायचाय जो...' प्राजक्ता माळीने सांगितलं अजूनही सिंगल असण्यामागचं कारण

अभिनेत्री प्राजक्ता माळी ही लाखो चाहत्यांची क्रश आहे. प्राजक्ताची एक झलक पाहण्यासाठी चाहते आतुर असतात. पण प्राजक्ता लग्न कधी करणार हा प्रश्न त्यांच्या मनात कायम आहे.

36 वर्षांची प्राजक्ता माळी अजूनही सिंगल आहे यावर अनेकांचा विश्वास बसत नाही. प्राजक्तानं स्वत: ही अनेकदा तिच्या सिंगल असण्यामागचं आणि अजून लग्न न करण्यामागचं कारण सांगितलं आहे. मात्र तरीही तिला लग्न कधी करणार असे प्रश्न कायम विचारले जातात.

पुन्हा एकदा प्राजक्तानं पोस्ट शेअर करत ती अजूनही सिंगल का आहे? आणि तिला कसा मुलगा हवा आहे हे सांगितलं.

प्राजक्ता माळी ही अशा अभिनेत्रींपैकी एक आहे जी सोशल मीडियावर प्रचंड सक्रीय असते. इन्स्टाग्रामवर प्राजक्ताला 2 मिलियनहून अधिक लोक फॉलो करतात. प्राजक्ता तिच्या कामाचे अपडेट्स तिथे शेअर करत असते. तिचे अनेक हटके फोटोशूट देखील ती शेअर करत असते ज्याला चाहत्यांची पसंती मिळत असते.

प्राजक्ताच्या प्रत्येक फोटो आणि व्हिडीओवर चाहते भरभरून प्रेम करतात. प्राजक्ता सध्या महाराष्ट्राची हास्यजत्रामध्ये निवेदन करतेय. हास्यजत्रेचे अपडेट्स आणि तिचे फोटोसूट नेहमीच चर्चेत असतात. त्याचबरोबर प्राजक्ता तिचा ज्वेलरी ब्रँड प्राजक्तराजेही अनेक अपडेट्स शेअर करत असते. प्राजक्तराजचे दागिने घालून प्राजक्ता फोटोशूट करत असते.

व्हिडीओ आणि फोटोंसहीत प्राजक्ता तिच्या इन्स्टाग्राम स्टोरीवर देखील अनेक पोस्ट शेअर करत असते. अशीच एक पोस्ट तिनं शेअर केली आहे. ज्याच तिनं ती सिंगल का आहे हे सांगितलं. तिला कसा मुलगा हवा आहे हे त्या पोस्टमध्ये लिहिलंय.

प्राजक्ताच्या पोस्टमध्ये असं लिहिलंय, "मी सिंगल आहे कारण मला लोक आवडत नाहीत. पण मला असा एक माणूस शोधायचा आहे जो लोकांना आवडत नाही, मला आवडतो आणि जो माझा द्वेष करत नाही." ही पोस्ट शेअर करत प्राजक्तानं त्यावर लाफ्टर इमोजी शेअर केलेत.

प्राजक्ताची ही पोस्ट चाहत्यांना आवडली असून त्यांना प्राजक्ताला कसा मुलगा हवा आहे हे देखील कळलं आहे. प्राजक्ताच्या वर्कफ्रंटबद्दल सांगायचं झाल्यास, तिचा 'फुलवंती' हा शेवटचा रिलीज झालेला सिनेमा आहे.