अल्पवयीन अभिनेत्रीला न सांगता शूट केला Kissing Scene, रडून रडून झाली वाईट अवस्था, लोक वाजवत राहिले टाळ्या

Published by:Pratiksha Pednekar

Last Updated:August 26, 2025 9:56 PM IST

Bollywood Controversies : या अभिनेत्रीच्या वैयक्तिक आयुष्याची नेहमीच चर्चा झाली, पण तिच्या करिअरमधील एका घटनेने तिला आतून पूर्णपणे हादरवून सोडलं होतं.

1/10

अल्पवयीन अभिनेत्रीला न सांगता शूट केला Kissing Scene, रडून रडून झाली वाईट अवस्था

मुंबई: बॉलिवूडमध्ये अनेक वर्षांपासून राज्य करणाऱ्या अभिनेत्रींमध्ये रेखाचं नाव नेहमीच आदराने घेतलं जातं. तिच्या सौंदर्याने आणि अभिनयाने अनेकांना वेड लावलं. पण, रेखाच्या आयुष्यात अनेक चढ-उतार आले.

2/10

तिच्या वैयक्तिक आयुष्याची नेहमीच चर्चा झाली, पण तिच्या करिअरमधील एका घटनेने तिला आतून पूर्णपणे हादरवून सोडलं होतं. जेव्हा ती अवघी १५ वर्षांची होती, तेव्हा एका अभिनेत्याने तिला न सांगता किस केलं आणि दिग्दर्शकाने कट म्हटलं नाही.

3/10

हा किस्सा आहे १९६९ मध्ये आलेल्या ‘अनजाना सफर’ या चित्रपटाचा. या चित्रपटात रेखासोबत अभिनेता बिस्वजीत चटर्जी होते आणि दिग्दर्शन राजा नवाथे करत होते.

4/10

या चित्रपटाच्या शूटिंगमध्ये एक अत्यंत धक्कादायक घटना घडली, ज्याचा उल्लेख यासीर उस्मान यांनी रेखाच्या बायोग्राफीत केला आहे.

5/10

या चित्रपटातील एका रोमँटिक सीनचं शूटिंग महबूब स्टुडिओमध्ये सुरू होतं. दिग्दर्शक, निर्माता आणि अभिनेता यांना माहित होतं की काय होणार आहे, पण रेखाला मात्र काहीच कल्पना नव्हती.

6/10

दिग्दर्शकाने 'ॲक्शन' म्हणताच, बिस्वजीत चटर्जीने अचानक रेखाला आपल्या मिठीत घेतलं आणि तिला किस करू लागले. रेखा पूर्णपणे गोंधळून गेली. हा सीन स्क्रिप्टमध्ये नव्हता, तरीही कॅमेरा सुरूच होता.

7/10

पुस्तकात लिहिल्याप्रमाणे, हा किस पाच मिनिटांपर्यंत सुरूच होता. बिस्वजीत चटर्जी रेखाला सोडून देत नव्हते आणि दिग्दर्शक ‘कट’ म्हणत नव्हते.

8/10

युनिटमधील लोक टाळ्या वाजवत होते आणि शिट्ट्या मारत होते. हे सगळं पाहून रेखाला मोठा धक्का बसला. तिच्या डोळ्यातून अश्रू वाहत होते, पण ती काहीच करू शकली नाही.

9/10

या घटनेबद्दल रेखाने नंतर एका मुलाखतीत सांगितलं होतं, “मी खूप हैराण झाले होते. माझ्यासोबत जे घडलं, त्याची भरपाई कोणीच करू शकत नाही.”

10/10

त्यानंतर बिस्वजीत चटर्जीनेही या घटनेवर प्रतिक्रिया दिली. ते म्हणाले की, जे काही झालं ते दिग्दर्शकाच्या सांगण्यावरून झालं. पण, त्यांनी हे मान्य केलं की, १५ वर्षांच्या रेखासोबत धोका झाला होता.

///

अल्पवयीन अभिनेत्रीला न सांगता शूट केला Kissing Scene, रडून रडून झाली वाईट अवस्था, लोक वाजवत राहिले टाळ्या

News18 App33% faster on App

Browser

अल्पवयीन अभिनेत्रीला न सांगता शूट केला Kissing Scene, रडून रडून झाली वाईट अवस्था, लोक वाजवत राहिले टाळ्या

फोटो

महत्वाच्या बातम्या