चकल्या, रांगोळी अन् दिवे; स्वत:ला टिपिकल बाई म्हणवणाऱ्या रिंकूने दिवाळीत काय काय केलं पाहा, PHOTO

'सैराट' फेम रिंकू राजगुरूने सोशल मीडियावर खास दिवाळी स्पेशल व्हिडीओ शेअर केला आहे. आर्चीचा हा व्हिडीओ सोशल मीडियावर तुफान व्हायरल होत आहे.

रिंकू राजगुरूने काही दिवसांपूर्वी एका मुलाखतीत मी टिपिकल बाईसारखी आहे, असं विधान केलं होता. अशातच अभिनेत्रीने आता शेअर केलेला हा व्हिडीओ त्या विधानाचा पुरावा आहे.

रिंकू राजगुरू या व्हिडीओमध्ये पिठ मळताना, चकल्या करताना, रांगोळी काढताना, दिवे लावताना, मांजरीसोबत खेळताना दिसत आहे.

रिंकूने व्हिडीओ शेअर करत बॅकग्राऊंडला 'दिन दिन दिवाळी' आणि 'उठा उठा दिवाळी आली' हे गाणं लावलं आहे.

व्हिडीओ शेअर करत रिंकूने चाहत्यांना दिवाळीच्या शुभेच्छाही दिल्या आहेत. तुम्हाला आणि तुमच्या कुटुंबियांना दिवाळीच्या शुभेच्छा, असं कॅप्शन तिने दिलं आहे.

रिंकूच्या व्हिडीओवर नेटकऱ्यांनी कमेंट्सचा वर्षाव केला आहे. चाहतेदेखील त्यांच्या लाडक्या अभिनेत्रीला दिवाळीच्या शुभेच्छा देत आहेत.

रिंकू राजगुरूचा आगामी 'आशा' हा चित्रपट लवकरच प्रेक्षकांच्या भेटीला येणार आहे.