Guess Who : 10 कोटीचं लग्न 3 वर्षही टिकलं नाही, 4 मिनिटांच्या गाण्याला 5 कोटी घेणारी 'ही' अभिनेत्री कोण?

बॉलिवूड चित्रपटांत मुख्य भूमिकेत झळकणाऱ्या अभिनेत्रींमध्ये आयटम साँग करणाऱ्या अभिनेत्रीचं मानधन सर्वाधिक असल्याचं अनेकदा पाहायला मिळतं.

संपूर्ण चित्रपटात काम करूनही अभिनेत्रीला तितकी रक्कम मिळत नाही, जी काही मिनिटांच्या आयटम साँगमधून दुसरी अभिनेत्री सहज मिळवते.

काही अभिनेत्री केवळ आयटम साँग्ससाठीच प्रसिद्ध असतात, तर काही वेळा टॉप लेडी सुपरस्टार्सही अशा गाण्यांवर थिरकताना दिसतात. आज आपण साऊथ इंडस्ट्रीतील अशा एका अभिनेत्रीबद्दल जाणून घेणार आहोत, जी एका आयटम नंबरसाठी 5 कोटी रुपयांपर्यंत मानधन आकारते.

साऊथची ही अभिनेत्री दुसरी कोणी नसून समंथा रुथ प्रभू आहे. समंथा गेल्या 15 वर्षांपासून अभिनय क्षेत्रात सक्रिय आहे. तसंच, तिने आयटम साँग करून आपल्या नृत्यानेही अनेकांना जिंकूण घेतलं आहे. समंथाने अल्लू अर्जुन आणि रश्मिका मंदाना यांच्या पुष्पा' या बहुचर्चित चित्रपटातील 'Oo Antava Mawa...Oo Oo Antava' या आयटम साँगने वेड लावलं होतं.

'Oo Antava Mawa...Oo Oo Antava' या चार मिनिटांच्या गाण्यासाठी निर्मात्यांनी समंथाला पाच कोटी रुपये दिले होते.

सामंथा तिच्या चित्रपटांबरोबरच वैयक्तिक आयुष्यातील गोष्टींमुळेही चर्चेत राहिली आहे.

समंथाने 2010 मध्ये ‘ये माया चेसावे’ या चित्रपटाच्या माध्यमातून इंडस्ट्रीत पदार्पण केलं. ज्यामध्ये ती अभिनेता नागा चैतन्यसोबत झळकली होती. त्यानंतर नागा आणि सामंथा एकमेकांच्या प्रेमात पडले आणि काही काळ अफेयरनंतर दोघांनी 2017 मध्ये गोव्यात लग्न केलं. या लग्नात तिने 10 कोटी रुपये खर्च केले होते. मात्र, 2021 मध्ये दोघांनी घटस्फोट घेत आपलं नातं संपवलं.