Toxic Movie: काही सेकंदांचा खेळ, बया झाली फेमस; तो सीन पाहून सगळे बावचळले, यशसोबतची ती गोरी कोण? सगळेच शोधायला लागले

2 मिनिटे 52 सेकंदांच्या ‘टॉक्सिक’च्या टीझरमध्ये प्रचंड व्हायोलन्स, गडद वातावरण आणि काही बोल्ड, इंटिमेट दृश्ये पाहायला मिळतात. विशेष म्हणजे टीझरमध्ये यशसोबत एका अतिशय सुंदर महिलेला इंटिमेट सीनमध्ये दाखवण्यात आले आहे. काही सेकंदांचा हा सीन इतका प्रभावी ठरला की ती अभिनेत्री सोशल मीडियावर ट्रेंड करू लागली. या सीनची क्लिप वेगवेगळ्या प्लॅटफॉर्मवर मोठ्या प्रमाणात व्हायरल होत आहे.

टीझर रिलीज होताच ‘टॉक्सिक’ फिल्मबाबत चर्चेला उधाण आले आहे. किच्चा सुदीपपासून ते करण जोहरपर्यंत अनेक मोठ्या कलाकारांनी यश आणि टीमला शुभेच्छा दिल्या आहेत. मात्र सर्वात मोठा प्रश्न प्रेक्षकांना पडला तो म्हणजे, कारमध्ये यशच्या सोबत दिसणारी ही सुंदर अभिनेत्री नेमकी कोण आहे?

यशच्या ‘राया’ या पात्रासोबत कारमध्ये दिसणारी ही महिला सध्या सोशल मीडियावर प्रचंड चर्चेत आली आहे. तिच्या बोल्ड उपस्थितीमुळे नेटिझन्सनी तिचा शोध घेण्यास सुरुवात केली आणि काही वेळातच तिची ओळख समोर आली.

‘टॉक्सिक’चा टीझर रिलीज झाल्यानंतर भारतात विशेष ओळख मिळालेल्या या अभिनेत्रीचे नाव आहे नताली बर्न. ती आधीपासूनच आंतरराष्ट्रीय स्तरावर प्रसिद्ध असली, तरी भारतीय प्रेक्षकांसाठी ती एक नवीन चेहरा आहे. राया सोबत कारमध्ये दिसणाऱ्या तिच्या काही सेकंदांच्या सीनमुळे ती रातोरात व्हायरल झाली.

नताली बर्न यांचा जन्म युक्रेनच्या कीव शहरात झाला. लहानपणापासूनच तिने नृत्याचे कठोर प्रशिक्षण घेतले आहे. तिने मॉस्को येथील बोल्शॉय बॅले स्कूल आणि त्यानंतर लंडनमधील रॉयल बॅले स्कूल येथे शिक्षण घेतले. करिअरच्या सुरुवातीला तिने मॉडेल आणि अभिनेत्री म्हणून काम सुरू केले.

पुढे ती केवळ अभिनेत्रीच राहिली नाही, तर लेखिका आणि प्रोड्यूसर म्हणूनही ओळखली जाऊ लागली. ती ‘सेव्हन हेवन प्रोडक्शन्स’ नावाची स्वतःची प्रोडक्शन कंपनी चालवते.

2014 साली नताली बर्नने अ‍ॅक्शन फिल्म ‘द एक्सपेंडेबल्स 3’ मध्ये छोटा पण लक्षवेधी रोल केला. यानंतर ती ‘डेविल्स होप’ या चित्रपटाची प्रोड्यूसरही राहिली. 2015 मध्ये तिने ‘अवेकन’ नावाचा अ‍ॅक्शन चित्रपट लिहिला, त्यात अभिनय केला आणि प्रोड्यूसही केला. 2016 मध्ये ती ‘क्रिमिनल’ या चित्रपटात झळकली, तसेच जेसन स्टॅथम सोबत ‘मेकॅनिक: रिसरेक्शन’ मध्ये सहाय्यक भूमिकेत दिसली.

नताली बर्न सध्या 45 वर्षांची आहे. मात्र तिचा फिटनेस, लूक आणि एनर्जी पाहता ती जेमतेम 25 वर्षांची वाटते. तिचे खरे वय समोर आल्यानंतर भारतीय नेटिझन्स अक्षरशः थक्क झाले.

नताली बर्न ही युक्रेनी-अमेरिकन अभिनेत्री, प्रोड्यूसर, मॉडेल, पटकथालेखिका आणि मार्शल आर्टिस्ट आहे. ‘एक्सपेंडेबल्स 3’, ‘एक्सिलरेशन’ आणि ‘मेकॅनिक: रिसरेक्शन’ यांसारख्या अ‍ॅक्शन चित्रपटांसाठी ती ओळखली जाते. बॅले आणि मार्शल आर्ट्सचे प्रशिक्षण असल्यामुळे ती अनेक वेळा स्वतःचे स्टंट्स स्वतःच करते.

ती पूर्वी प्रोफेशनल डान्सर होती. नंतर अभिनयाकडे वळली. ती द अ‍ॅक्टर्स स्टुडिओ आणि अकॅडमी ऑफ टेलिव्हिजन आर्ट्स अ‍ॅण्ड सायन्सेस ची सदस्य आहे. तिने ब्रूस विलिस, अँथनी हॉपकिन्स यांसारख्या दिग्गज कलाकारांसोबतही काम केले आहे.

सध्या ती अमेरिकेची नागरिक आहे आणि द अ‍ॅक्टर्स स्टुडिओची लाइफटाइम मेंबर, तसेच प्रोड्यूसर्स गिल्ड ऑफ अमेरिका ची सदस्य आहे.

नतालीने नुकतेच ‘फोस्टर’ या अ‍ॅक्शन थ्रिलर चित्रपटाचे शूटिंग पूर्ण केले आहे. या चित्रपटात ती व्यसनाधीन आई आणि अंधाऱ्या भूतकाळाची छाया असलेली भूमिका साकारत आहे. या चित्रपटात तिच्यासोबत ऑस्कर नामांकन मिळवलेले जेम्स फ्रँको आणि रॉन पर्लमन देखील आहेत.

सध्या मात्र ती यशच्या ‘टॉक्सिक’ चित्रपटामुळे सर्वाधिक चर्चेत आहे. कारमधील त्या काही सेकंदांच्या सीनपुरतीच तिची भूमिका मर्यादित नसून, तिच्या पात्रात पुढे आणखी काही मोठे ट्विस्ट असणार असल्याचा इशाराही टीझरमधून मिळतो.