Chai Biscuit : सकाळचा चहा आणि बिस्किट म्हणजे स्लो पॉयझन? वेळीच व्हा सावध, तुमची ही आवडती सवय शरीराला पोखरतेय?

पहाटेचा चहा आणि सोबत बुडवून खाल्लेलं बिस्किट... हे समीकरण प्रत्येक भारतीय घराघरात पाहायला मिळतं. अगदी शाळेत जाणारी मुलं असोत किंवा ऑफिसला जाणारे तरुण, चहा-बिस्किट म्हणजे अनेकांसाठी इन्स्टंट नाश्ता झाला आहे. काही न खाण्यापेक्षा दोन बिस्किटं खाल्लेली बरी, असा एक गोड गैरसमज आपण वर्षानुवर्षे पाळत आलो आहोत.

पण तुम्हाला माहिती आहे का? ज्याला तुम्ही तुमचा ऊर्जा देणारा नाश्ता समजताय, तो प्रत्यक्षात तुमच्या आणि तुमच्या मुलांच्या आरोग्यासाठी एक सायलेंट किलर ठरू शकतो. चहा-बिस्किटाची ही सवय शरीराला आतून कशी पोखरतेय, यावर एक नजर टाकूया.

बिस्किटे कितीही 'मल्टीग्रेन' किंवा 'डायजेस्टिव्ह' असल्याचा दावा करत असली, तरी त्यातील मुख्य घटक हा मैदा असतो. मैद्यामध्ये फायबर शून्य असतं. जेव्हा आपण रिकाम्या पोटी चहा आणि बिस्किट घेतो, तेव्हा रक्तातील साखरेची पातळी अचानक वाढते आणि पुन्हा तितक्याच वेगाने खाली येते. यामुळे थोड्या वेळाने पुन्हा भूक लागते आणि शरीरात चिडचिड वाढते.

बिस्किटे कुरकुरीत आणि दीर्घकाळ टिकण्यासाठी त्यात पाम ऑईल आणि ट्रान्स फॅटचा वापर केला जातो. हे तेल आपल्या हृदयाच्या आरोग्यासाठी अत्यंत घातक आहे. दररोज सकाळी बिस्किटे खाल्ल्यामुळे शरीरात बॅड कोलेस्ट्रॉल वाढते, ज्याचा परिणाम भविष्यात हृदयविकाराच्या समस्यांमध्ये होऊ शकतो.

लहान मुलांच्या आरोग्यावर गंभीर परिणामअनेक पालक मुलांना सकाळी घाईत चहा-बिस्किट खाऊ घालून शाळेत पाठवतात. यामुळे मुलांच्या पोटात सकस आहार जात नाही. बिस्किटांमधील साखरेमुळे मुलांना तात्पुरती एनर्जी मिळते, पण शाळेत पोहोचेपर्यंत ते थकलेले जाणवतात. सततच्या या सवयीमुळे मुलांमध्ये लठ्ठपणा (Obesity), दात किडणे आणि पचनसंस्थेचे विकार बळावत आहेत.

पचनाच्या तक्रारी आणि ॲसिडिटीचहामध्ये कॅफिन आणि टॅनिन असते. जेव्हा हे रिकाम्या पोटी बिस्किटातील साखरेसोबत पोटात जाते, तेव्हा मोठ्या प्रमाणात ॲसिड तयार होते. जर तुम्हाला रोज सकाळी पोट फुगल्यासारखे वाटत असेल किंवा सतत गॅसचा त्रास होत असेल, तर समजून जा की तुमचा चहा-बिस्किट नाश्ता याला कारणीभूत आहे.

सकाळचा नाश्ता हा दिवसाचा सर्वात महत्त्वाचा आहार असतो, ज्यातून प्रथिने (Proteins) आणि जीवनसत्त्वे मिळणे अपेक्षित असते. पण चहा-बिस्किटातून शरीराला केवळ रिकाम्या कॅलरीज मिळतात. यामुळे वजन तर वाढतेच, पण शरीरात लोहाची (Iron) आणि कॅल्शियमची कमतरता निर्माण होऊन हाडे कमकुवत होऊ लागतात.

मग पर्याय काय?सकाळची सुरुवात चहा-बिस्किटाने करण्याऐवजी खालील हेल्दी पर्याय निवडाभिजवलेले बदाम किंवा अक्रोड.ताजी फळे.मुगाचे धिरडे, उपमा किंवा पोहे.ओट्स किंवा नाचणीची लापशी.

चहा आणि बिस्किट हे कधीतरी चवीसाठी खाणं ठीक आहे, पण त्याला रोजचा नाश्ता बनवणं म्हणजे आजारांना निमंत्रण देण्यासारखं आहे. तुमच्या मुलांच्या डब्यात किंवा स्वतःच्या प्लेटमध्ये बिस्किटाऐवजी पौष्टिक पदार्थांना जागा द्या. आरोग्य हीच खरी संपत्ती आहे, हे विसरू नका.

(नोट : वरील माहिती सामान्य माहितीवर आधारीत आहे, न्यूज 18 मराठी याची पुष्टी करत नाही, आमचा उद्देश तुमच्यापर्यंत माहिती पोहोचवण्याचा आहे.)