'या' आजाराला घेऊ नका हलक्यात; त्वरित डाॅक्टरांना भेटा, अन्यथा होऊ शकतं आरोग्याचं मोठं नुकसान!

आजकाल जवळजवळ प्रत्येक कुटुंबात डायबेटिस (Diabetes) रुग्ण वाढत आहेत. ही जगासाठी एक गंभीर समस्या आहे. यात आपल्या शरीरातील पेशी इन्सुलिनला योग्य प्रतिसाद देत नाहीत. त्यामुळे ग्लुकोज पेशींमध्ये प्रवेश करू शकत नाही. मग शरीरातील रक्तातील साखरेची पातळी वाढते.

यामुळे हळूहळू हृदयविकाराचा झटका, दृष्टी कमी होणे आणि मज्जातंतूंना इजा होणे यांसारख्या गंभीर समस्या उद्भवतात. अलीकडे डायबेटिसबद्दल जागरूकता वाढली असली, तरी अनेक लोक समस्या गंभीर होईपर्यंत उपचार करत नाहीत.

डायबेटिसच्या सुरुवातीला कोणतीही लक्षणे दिसत नाहीत. जसजशी समस्या वाढत जाते, तसतसे काही बदल दिसू लागतात. डायबेटिस सुरू होताच काही विशिष्ट लक्षणे दिसतात.

डायबेटिसचे मुख्य सुरुवातीचे लक्षण म्हणजे अति तहान लागणे. तोंड कोरडे पडणे, जास्त भूक लागणे, वारंवार लघवीला जावे लागणे (कधीकधी दर तासाला) आणि वजनात असामान्य घट किंवा वाढ देखील दिसून येते. नंतरच्या टप्प्यात, रक्तातील साखरेची पातळी वाढल्याने लोकांना डोकेदुखी, अंधुक दृष्टी आणि आळस जाणवतो.

अनेक लोकांमध्ये आरोग्य गंभीररित्या बिघडल्याशिवाय डायबेटिस असल्याचे निदान होत नाही. अशा लोकांमध्ये, जखमा लवकर बऱ्या होत नाहीत आणि वारंवार मूत्रमार्गाचे संक्रमण (urinary tract infections) तसेच त्वचेला खाज सुटते, विशेषतः पायांच्या मधोमध. मधुमेह सुरू झाल्यावर, लोकांना लैंगिक जीवनात (sex) रस कमी होतो.

महिलांमध्ये जननेंद्रियांच्या कोरडेपणाची शक्यता जास्त असते. मधुमेहाच्या प्रत्येक तीनपैकी एका व्यक्तीला लैंगिक समस्या असते. 35 ते 70 टक्के पुरुषांना काही प्रमाणात शिश्नाच्या ताठरतेची समस्या (erectile dysfunction) असते.