Fever : ताप हा आपला मित्र; पुण्याच्या डॉक्टरांनीच सांगितले तापाचे फायदे

ताप म्हणजे आपल्या शरीराचं तापमान थोडं जरी वाढलं की आपण डॉक्टरांकडे जातो. डॉक्टर आपल्याला गोळ्या देतात आणि मग ताप बरा होतो. पण कुणी डॉक्टरांनीच सांगितलं की ताप हा आपला मित्र आहे तर...

हे वाचून साहजिकच तुम्हाला आश्चर्य वाटलं असेल, हे कसं शक्य आहे असं तुम्ही म्हणाल. डॉक्टर म्हणाले की,  तापाबाबत लोकांचे खूप गैरसमज आहे.

ताप हे शरीराची इन्फेक्शनविरुद्ध लढण्याची नैसर्गिक डिफेन्स सिस्टम आहे. इन्फेक्शनच्या विरुद्ध शरीराचं ब्रह्मास्त्र आहे. जेव्हा आपल्या शरीराचं तापमान थोडं वाढतं तेव्हा बॅक्टेरिया आणि व्हायरसमधील जे एन्झाइम्स आहेत ते शिजतात किंवा फ्राय होता.

बहुतेक ताप हा व्हायरल असतो, बऱ्याचदा शरीरच याची काळजी घेतं आणि मग तो ताप स्वतःच कमी होतो. 3 दिवसांपेक्षा जास्त ताप, श्वास घ्यायला त्रास किंवा व्यक्ती पेंगाळलाय, कन्फ्युझ आहे असे काही रेड फ्लॅग्स खूप महत्त्वाचं आहे.

ताप हा बहुतेक वेळा आपला मित्र असतो पण सोबतचे वॉर्निंग साइन कधीच इग्नोर करू नका आणि लगेच डॉक्टरांना भेटा, असा सल्ला पुण्याचे डॉक्टर अरुण साळुंखे यांनी दिला आहे. त्यांनी त्यांच्या युट्युब चॅनेलला हा व्हिडीओ पोस्ट करत ही माहिती दिली आहे.