Chicken : सगळे आवडीने खात असलेल्या चिकनच्या या भागात असतं 'विष'; चुकूनही खाऊ नका

मार्गशीर्ष संपला आणि त्यात आता रविवार अनेकांनी नॉनव्हेजवर ताव मारला आहे. चिकन म्हणताच अनेकांच्या तोंडाला पाणी सुटलं असेल कुणी सुक्कं चिकन, कुणी चिकन बिर्याणी, कुणी फ्राय चिकन, कुणी लेग पीस, कुणी कलेजी खात असेल. पण चिकन खाताना जरा जपूनच. कारण चिकनच्या काही भागात विष असतं, मानवी शरीरासाठी हे भाग विषारी ठरू शकता.

चिकनचं डोकं : कोंबडी जे अन्न खातात त्यातील कीटकनाशके किंवा इतर रसायने किंवा विषारी पदार्थ त्यांच्या डोक्यात, विशेषतः मेंदूत जमा होतात. तो भाग खाल्ल्याने ते विष थेट आपल्या शरीरात जातात.

चिकन नेक : चिकन सूप बनवण्यासाठी सामान्यतः मानेचे तुकडे वापरले जातात. पण त्यात बॅक्टेरिया असण्याची शक्यता जास्त असते. ते चांगलं शिजवलं नाही तर फूड पॉइझनिंग होऊ शकंच. जास्त वेळ शिजवलं तर बॅक्टेरिया मरतील.

चिकन हार्ट : चिकन हार्टमध्ये प्रथिनं आणि लोह असतं. पण कोंबडी जिवंत असताना बाहेर पडणारे स्ट्रेस हार्मोन्स त्यातच राहण्याचा धोका असतो. ते खाणं सामान्यतः ठीक आहे, पण जास्त प्रमाणात खाल्ल्याने तुमच्या शरीरातील हार्मोनल संतुलन बिघडू शकते.

कोंबडीची फुफ्फुसं : कोंबडीची फुफ्फुसे एका स्पंजसारखी असतात जी हवेतील धूळ आणि परजीवी फिल्टर करतं. शिजवल्यावरही ते सहजपणे निघत नाहीत. त्यांच्याशी संबंधित आरोग्य धोक्यांचा अंदाज लावणं कठीण आहे, त्यामुळे अन्न सुरक्षा तज्ज्ञ कोंबडीची फुफ्फुसे न खाण्याचा सल्ला देतात.

कोंबडीची त्वचा : कोंबडीची स्किन संतृप्त चरबीने भरलेली असते. ती नियमितपणे खाल्ल्याने कोलेस्टेरॉलची पातळी वाढू शकते आणि हृदयरोगाचा धोका वाढू शकतो. त्यात त्वचेवर बॅक्टेरिया राहण्याची शक्यता जास्त असते. जर ते योग्यरित्या शिजवलं नाही तर ते सूक्ष्मजंतू पोटात पोहोचण्याचा धोका असतो.

कोंबडीची गिझार्ड : गिझार्ड हा कोंबडीच्या पचनसंस्थेचा एक भाग आहे. ज्यात कोंबडीने खाल्लेले अन्न पचतं,  त्यात लहान दगड आणि घाण असू शकते. बरेच लोक ते आनंदाने खातात, पण जर ते नीट स्वच्छ केले नाहीत तर साल्मोनेलासारखे धोकादायक बॅक्टेरिया आपल्या शरीरात प्रवेश करण्याचा धोका असतो.

कोंबडीचे पाय : कोंबडीचे पाय जमिनीवर आणि मातीत चालत असल्याने त्यांना घाण, बॅक्टेरिया आणि परजीवींचा धोका असतो. तुम्ही कितीही चांगले धुतले आणि त्वचा काढून टाकली तरी, ई. कोलायसारखे धोकादायक बॅक्टेरिया त्यात असण्याची शक्यता असते.

कोंबडीचं आतडं : काही भागात कोंबडीचं आतडे स्वच्छ करून शिजवलं जातं. पण आतडं नैसर्गिकरित्या बॅक्टेरिया आणि पचनसंस्थेशी संबंधित टाकाऊ पदार्थांनी भरलेले असतात. तुम्ही घरी कितीही स्वच्छ केलं तरी त्यातील जंतू पूर्णपणे काढून टाकणं अशक्य आहे. ते खाल्ल्याने अन्न विषबाधा होऊ शकते.

अस्थिमज्जा : जर कोंबडीची हाडं योग्यरित्या शिजवली गेली नाहीत तर कच्च्या रक्ताचे अंश मज्जामध्ये राहतात. हे रक्त बॅक्टेरिया आणि इतर संक्रमण पसरवू शकतं. म्हणून अस्थिमज्जा खाताना, मांस पूर्णपणे शिजवलेलं आहे याची खात्री करा.

चिकन विंग्स : कोंबडीच्या पंखांच्या शेवटी असलेल्या लहान भागात फक्त त्वचा, हाडे आणि कूर्चा असतो. त्यात कोणतेही पोषक तत्व नसतात आणि त्यात चरबी आणि बॅक्टेरिया असण्याची शक्यता जास्त असते. म्हणूनच स्वयंपाक करताना हे सहसा काढून टाकले जातात.