Health Tips: 'या' सुगंधित पानांमध्ये लपलाय गंभीर आजारांवरील उपचार, कॅन्सरची रिस्कही करते कमी; वाचा 10 फायदे
- Published by:Mohini Vaishnav
Last Updated:
Bay Leaf Health Benefits: तमालपत्र जवळजवळ प्रत्येक घरात वापरले जाते. ही एक प्रकारची सुगंधी औषधी वनस्पती आहे, जी अन्नाची चव आणि सुगंध वाढवते. हिरवी तमालपत्र वाळवली जाते आणि मसाला म्हणून वापरली जाते. पुलाव, बिर्याणी, भाज्या, मांसाहारी पदार्थ अशा अनेक पदार्थांमध्ये तमालपत्र मिसळले जाते. तमालपत्र, अँटिऑक्सिडंट्स, खनिजे आणि फायबरने भरपूर आहे. तसंच संपूर्ण आरोग्यासाठी फायदेशीर आहे. हेल्थलाइनच्या मते, अनेक संशोधनांमध्ये त्याचे असंख्य फायदे समोर आलेय. तमालपत्राचे काय फायदे आहेत, ते येथे जाणून घेऊया.
advertisement
1/10
कॅन्सरपासून संरक्षण- तमालपत्रात असलेले काही घटक तुमच्या शरीराला धोकादायक कर्करोगापासून वाचवतात हे तुम्हाला माहीत आहे का? हेल्थलाइनच्या मते, काही रिसर्चमधून दिसून आलेय की, तमालपत्र ब्रेस्ट आणि कोलोरेक्टल कॅन्सर पेशी वाढण्यापासून रोखू शकते. तसंच, यावर अजून संशोधन चालू आहे. तरीही, आपण आपल्या आहारात नियमितपणे याचा समावेश केल्यास, आपण हा प्राणघातक रोग होण्याचा धोका कमी करू शकता.
advertisement
2/10
मधुमेह नियंत्रित करा- दररोज तुमच्या आहारात तमालपत्राचा समावेश केल्यास मधुमेहावर सहज नियंत्रण ठेवता येते. मधुमेहाच्या रूग्णांमध्ये ग्लुकोजची लेव्हल आणि कोलेस्टेरॉल लेव्हल नियंत्रित आणि कमी करण्यासाठी हे प्रभावी आहे. हे शक्य आहे कारण तमालपत्रात पॉलीफेनॉल असते, जो एक प्रकारचा शक्तिशाली अँटिऑक्सिडेंट आहे. तसंच, मधुमेहामध्ये काहीही खाण्यापूर्वी किंवा पिण्याआधी डॉक्टरांचा सल्ला जरूर घ्या.
advertisement
3/10
जखमा लवकर बऱ्या होतात - तमालपत्रामध्ये जखमेच्या भागात सूज कमी करण्याची क्षमता असते. हेही काही रिसर्चमधून समोर आलेय. उंदरांवर केलेल्या जुन्या प्रयोगांमध्ये शास्त्रज्ञांना आढळून आले की, तमालपत्रात जखमा लवकर भरून काढण्याची क्षमता असते. अशा वेळी, तुम्ही त्याचा लेप कापल्यावर आणि जखमांवर लावू शकता.
advertisement
4/10
किडनी स्टोनपासून बचाव - तुम्ही त्याचा नियमित वापर करत असल्यास तमालपत्रामुळे मुतखड्याचा धोकाही कमी होतो. इतर कोणत्याही पारंपारिक औषधी वनस्पतींपेक्षा शरीरातील युरियाचे प्रमाण कमी करण्यात ते अधिक प्रभावी आहे. युरिया हे एक एंजाइम आहे जे शरीरात संतुलन बिघडल्यास किडनी स्टोनसह अनेक जठरासंबंधी विकार होऊ शकतात.
advertisement
5/10
स्मरणशक्ती सुधारते- तमालपत्रात असलेले काही घटक तुमची स्मरणशक्ती वाढवण्यास मदत करतात. हे कॉग्निटिव्ह क्षमता देखील सुधारते.
advertisement
6/10
रोगप्रतिकारशक्ती मजबूत करते- तुम्ही तुमच्या आहारात नियमितपणे याचा समावेश केला तर तुमच्या शरीराची रोगप्रतिकारक शक्ती मजबूत होईल. यामुळे अनेक लहान-मोठ्या आजारांपासून तुमचा बचाव होईल. प्रतिकारशक्ती मजबूत असताना तुम्ही वारंवार आजारी पडणार नाही.
advertisement
7/10
पचनक्रिया सुधारते- तमालपत्राचा वापर केल्याने पचनक्रियाही मजबूत राहते. यामुळे गॅस्ट्रोइंटेस्टाइनल समस्या उद्भवणार नाहीत. फायबरमुळे तुम्ही बद्धकोष्ठता, सूज येणे, पोठ आखडणे, पोटदुखी यासारख्या समस्यांपासून दूर राहू शकता. ते कमी करण्यासाठी, तुम्ही तमालपत्राचा चहा किंवा काढा पिऊ शकता.
advertisement
8/10
हृदय निरोगी ठेवते- एका अभ्यासानुसार, रुटिन आणि कॅफीक या दोन महत्त्वाच्या कार्बनिक संयुगेमुळे तमालपत्र हृदयाचे आरोग्य सुधारते. रुटिन हृदयाची कॅपिलरी वॉल मजबूत करते. तर कॅफीक हृदय व रक्तवाहिन्यासंबंधी प्रणालीतून एलडीएल किंवा बॅट कोलेस्टेरॉल काढून टाकण्यात भूमिका बजावते.
advertisement
9/10
चांगली झोप मिळविण्यासाठी प्रभावी - याची सूदिंग प्रॉपर्टीज चांगली झोप मिळवण्यासाठी खूप प्रभावी आहेत. रात्री झोपण्यापूर्वी तमालपत्र चहा किंवा काढा प्यायल्यास झोप लवकर आणि गाढ येते. तमालपत्र एक सौम्य शांतता म्हणून कार्य करते, जे सेंट्रल नर्वस सिस्टम दुरुस्त करते. यामुळे चिंता आणि तणाव कमी होतो. आराम मिळतो. तुम्हाला झोपेचा त्रास होत असेल तेव्हा तुम्ही तमालपत्राच्या अर्काचे काही थेंब पाण्यात मिसळून त्याचे सेवन करू शकता.
advertisement
10/10
तमालपत्राचे पाणी पिण्याचे फायदे - दोन ते तीन तमालपत्र पाण्यात उकळवून ते गाळून प्यायल्यास वजन कमी होण्यास मदत होते आणि सर्दी आणि फ्लूपासून बचाव होतो. शरीरातील चयापचय वाढते, वजन कमी होते. तसेच कोलेस्ट्रॉल आणि रक्तदाब नियंत्रणात राहतो.
मराठी बातम्या/फोटोगॅलरी/लाइफस्टाईल/
Health Tips: 'या' सुगंधित पानांमध्ये लपलाय गंभीर आजारांवरील उपचार, कॅन्सरची रिस्कही करते कमी; वाचा 10 फायदे