Shoe Cleaning : पिवळे पडलेयत सफेद शूज? मिनिटांत दिसतील 'ब्रँड न्यू', सोप्या ट्रिक्स वापरून चमकावा!

पांढरे शूज दिसायला स्टायलिश आणि आकर्षक असले तरी ते लवकर खराब होतात आणि काही दिवसांतच त्यांना पिवळे डाग पडतात. अनेकदा वॉशिंग मशीनमध्ये धुतल्यानंतरही शूजवरील पिवळे डाग किंवा मळ पूर्णपणे जात नाही.

शूजचा रंग फिका पडल्यामुळे किंवा पिवळे डाग पडल्यामुळे ते जुने दिसू लागतात. जर तुम्हाला तुमचे पांढरे शूज पुन्हा अगदी 'ब्रँड न्यू' लुकमध्ये आणायचे असतील, तर बाजारातील महागड्या उत्पादनांऐवजी खालील 5 प्रभावी आणि सोप्या घरगुती ट्रिक्स नक्की वापरून पहा.

लिंबू रस आणि मीठ: लिंबू रस आणि बारीक मीठ एकत्र करून पेस्ट बनवा. ही पेस्ट लावून शूज उन्हात ठेवा. लिंबूमधील नैसर्गिक ब्लीचिंग गुणधर्म पिवळेपणा कमी करतात. काही वेळाने ब्रशने घासून धुवा.

बेकिंग सोडा आणि व्हिनेगर पेस्ट: एका वाटीत बेकिंग सोडा, थोडे पांढरे व्हिनेगर आणि पाणी मिसळून जाड पेस्ट तयार करा. ही पेस्ट शूजवर (विशेषतः पिवळ्या डागांवर) लावा आणि जुन्या टूथब्रशने हळूवारपणे घासा. 15 मिनिटे तसेच ठेवून पाण्याने धुवा.

टूथपेस्टचा वापर: सफेद रंगाची टूथपेस्ट घ्या. टूथब्रशवर टूथपेस्ट घेऊन ती थेट पिवळ्या पडलेल्या भागावर लावा आणि घासा. टूथपेस्टमध्ये असलेले सौम्य अपघर्षक डाग काढण्यास मदत करतात.

मायक्रेलर वॉटरचा उपयोग: मेकअप काढण्यासाठी वापरले जाणारे मायक्रेलर वॉटर हे चामड्याच्या शूजवरील आणि नाजूक पृष्ठभागांवरील डाग काढण्यासाठी उत्तम आहे. एका कापसाच्या बोळ्यावर मायक्रेलर वॉटर घेऊन शूज हळूवारपणे पुसल्यास डाग निघून जातात.

डिटर्जंट आणि ब्लीचची योग्य मात्रा: पांढऱ्या कॅनव्हास शूजसाठी, पांढऱ्या कपड्यांच्या डिटर्जंटमध्ये ब्लीचचे काही थेंब मिसळा. हे मिश्रण लावून शूज हलक्या हाताने ब्रश करा आणि थंड पाण्याने धुवा.