निरुपयोगी वाटणारे मोजे करतील कमाल; जाणून घ्या 5 भन्नाट उपयोग, वाचतील पैसे अन् घर राहील चकाचक

घराची साफसफाई करताना किंवा कपाट आवरताना अनेकदा आपल्याला मोज्यांची एखादी फाटलेली जोडी सापडते. "आता याचा काय उपयोग?" असा विचार करून आपण ते सरळ कचऱ्याच्या डब्यात फेकून देतो आणि नवे मोजे विकत आणतो. पण वाढत्या महागाईच्या काळात छोट्या-छोट्या गोष्टींचा पुनर्वापर (Reuse) करणे केवळ पैशांची बचत करत नाही, तर पर्यावरणासाठीही ते तितकेच गरजेचे आहे.

जुन्या मोज्यांचे कापड मऊ असते, त्यामुळे त्याचा वापर घरगुती कामात अतिशय प्रभावीपणे करता येतो. टाकाऊतून टिकाऊ वस्तू बनवण्याची तुमची ही छोटीशी सवय घर कसं स्मार्ट बनवू शकते, हे जाणून घेऊया.

साफसफाईसाठी 'मॅजिक ग्लोव्हज'जुन्या मोज्यांचा सर्वात मोठा फायदा साफसफाईत होतो. मोजे हातामध्ये मोकळे बसतात, त्यामुळे ते एखाद्या हातमोज्याप्रमाणे वापरता येतात.हाताला मोजा चढवून पंखे, खिडकीच्या जाळ्या, टीव्ही स्क्रीन किंवा फर्निचरवरील धूळ पुसली, तर ती चटकन निघते. मोज्यांचे कापड धूळ चांगल्या प्रकारे पकडून ठेवते.काचेच्या वस्तू किंवा लाकडी शो-पीस पॉलिश करण्यासाठी मोजे उत्तम ठरतात. यामुळे पृष्ठभागावर ओरखडे (Scratches) पडत नाहीत.

गार्डनिंग आणि किचनमधील भन्नाट उपयोगबागेची आवड असणाऱ्यांसाठी जुने मोजे वरदान ठरू शकतात.लहान कुंड्यांमध्ये माती भरताना तळाला मोज्याचा तुकडा ठेवा. यामुळे पाणी व्यवस्थित निचरा होईल, पण माती बाहेर वाहून जाणार नाही.किचनमध्ये कांदा किंवा लसूण मोज्यात भरून टांगून ठेवले, तर त्यांना हवा लागते आणि ते दीर्घकाळ टिकतात. तसेच झाडांच्या फांद्यांना आधार देण्यासाठी मोज्यांच्या पट्ट्या कापून वापरल्यास झाडाला इजा होत नाही.

घराची सुरक्षा आणि 'नो नॉईज' फर्निचरतुमच्या घरातील महागड्या फ्लोअरिंगवर फर्निचरचे ओरखडे पडू नयेत असे वाटत असेल, तर हा सोपा उपाय करा.खुर्च्या किंवा टेबलाच्या पायांना मोजे चढवल्यास फरशीवर ओरखडे पडत नाहीत आणि फर्निचर ओढताना होणारा करर्कश आवाजही बंद होतो.थंडीच्या दिवसात काचेची बाटली किंवा गरम पाण्याची पिशवी लवकर थंड होऊ नये म्हणून त्यावर मोजा चढवून ठेवा.

मुलांसाठी घरगुती खेळणीतुमची कल्पकता वापरून तुम्ही जुन्या मोज्यांपासून मुलांसाठी लहान सॉफ्ट टॉईज किंवा 'हॅन्ड पपेट्स' (Hand Puppets) बनवू शकता. फाटलेल्या मोज्यांमध्ये कापूस भरून आणि वरून बटणे लावून बनवलेली छोटी खेळणी मुलांचे छान मनोरंजन करतात.

थोडक्यात सांगायचे तर जुने मोजे दिसायला छोटे असले, तरी त्यांचे उपयोग मात्र मोठे आहेत. गरज आहे ती फक्त दृष्टीकोन बदलण्याची. पुढच्या वेळी मोजा जुना झाला म्हणून फेकून देण्यापूर्वी तो तुमच्या घराचं कोणतं काम सोपं करू शकतो, याचा विचार नक्की करा