Pomegranate Disadvantages : चुकूनही 'या' लोकांनी खाऊ नये डाळिंब, शरीराला होईल 'इतकं' नुकसान

डाळिंब हे आरोग्यासाठी एक उत्तम फळ मानले जाते. यामध्ये जीवनसत्त्वे, खनिजे आणि अँटिऑक्सिडंट्स भरपूर प्रमाणात असतात. पण, आरोग्य तज्ञांच्या मते, डाळिंब प्रत्येकासाठी फायदेशीर नसते. काही विशिष्ट आरोग्य समस्यांनी ग्रस्त असलेल्या लोकांनी डाळिंब खाणे टाळले पाहिजे, अन्यथा त्यांच्या आरोग्याला गंभीर नुकसान होऊ शकते.

कमी रक्तदाबाचा त्रास असलेले लोक: डाळिंब खाल्ल्याने रक्तदाब कमी होऊ शकतो. त्यामुळे, ज्या लोकांना कमी रक्तदाबाचा त्रास आहे किंवा जे लोक रक्तदाब कमी करण्याची औषधे घेत आहेत, त्यांनी डाळिंब खाणे टाळावे.

रक्त पातळ करणारी औषधे घेणारे रुग्ण: डाळिंबामध्ये असे घटक असतात, जे रक्त गोठण्याची प्रक्रिया हळू करतात. जे लोक ब्लड थिनर, जसे की वॉरफेरिन सारखी औषधे घेत आहेत, त्यांनी डाळिंब खाल्ल्यास रक्तस्रावाचा धोका वाढू शकतो.

पोटाच्या समस्या असणारे लोक: ज्यांना बद्धकोष्ठतेचा त्रास आहे, त्यांच्यासाठी डाळिंब फायदेशीर आहे, पण ज्यांना सतत जुलाब किंवा गॅसची समस्या आहे, त्यांनी डाळिंब खाणे टाळावे. कारण, यात फायबरचे प्रमाण जास्त असल्याने ही समस्या वाढू शकते.

ॲलर्जीचा त्रास असणारे लोक: काही लोकांना डाळिंबाची ॲलर्जी असू शकते. अशा लोकांनी डाळिंब खाल्ल्यास खाज सुटणे, अंगावर लाल पुरळ येणे किंवा श्वास घेण्यास त्रास होणे अशा समस्या होऊ शकतात.

डायबिटीजचे रुग्ण: डाळिंबामध्ये नैसर्गिक साखर जास्त असते. त्यामुळे, मधुमेही रुग्णांनी मर्यादित प्रमाणातच डाळिंब खावे. जास्त प्रमाणात खाल्ल्यास रक्तातील साखरेची पातळी वाढू शकते.

डाळिंब हे एक आरोग्यदायी फळ आहे, पण तुमच्या आरोग्याच्या स्थितीनुसार त्याचे सेवन करणे महत्त्वाचे आहे. तुम्हाला काही गंभीर आजार असल्यास, डाळिंब खाण्यापूर्वी तुमच्या डॉक्टरांचा सल्ला घ्या. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)