Farmer Protest : शेतकऱ्यांचा हिसका, ट्रॅक्टरची ट्रॉलीभरून शेण ओतलं रस्त्यावर PHOTOS

गेल्या काही दिवसांपासून दूध दरवाढी शेतकरी विविध ठिकाणी आंदोलन करताना पाहायला मिळत आहे. अहमदनगर जिल्ह्यातील कोतूळ गावातून दूध दराच्या मागणीसाठी निघालेला ट्रॅक्टर मोर्चा संगमनेर शहरात पोहचला आहे.

शेकडो ट्रॅक्टरसह मोर्चात सहभागी झालेले शेतकरी दुधाला किमान चाळीस रूपये भाव द्या, दुधाला एफआरपी लागू करा या मागण्यासह आक्रमक झाले आहेत.

गेल्या 18 दिवसापासून अकोले तालुक्यातील कोतूळ गावात सुरू असलेल्या उपोषणाची दखल सरकारने न घेतल्याने आज सर्व पक्षीय नेत्यांसह शेतकऱ्यांनी संगमनेर प्रान्त कार्यालयावर मोर्चा काढला होता.

संगमनेर शहरात मोर्चा पोहचल्यानंतर आंदोलकांनी शासकीय कार्यालयासमोर शेण ओतून सरकारचा निषेध केलाय.

प्रांत कार्यालयासमोर निघालेला मोर्चा पोलिसांनी संगमनेर येथील शासकीय विश्रामगृहासमोर अडवला. शेकडो ट्रॅक्टरसह शेतकरी आंदोलनात सहभागी झालेले पाहायला मिळाले.

ट्रॅक्टर मार्चमुळे संगमनेर शहरात वाहतूक वळवण्यात आली. मोर्चा सांभाळताना पोलीस प्रशासनाचीही दमछाक झाली. शेतकऱ्यांनी दुग्ध विकास मंत्री राधाकृष्ण विखे पाटील यांच्या विरोधात जोरदार घोषणाबाजी केली.