पाण्याच्या शोधात पडला रक्ताचा सडा, मृतदेहांचे उडाले तुकडे, अहमदनगरमधली घटना

अहमदनगर जिल्ह्यातून एक धक्कादायक बातमी समोर आली आहे, विहिरीचं खोदकाम सुरू असताना जिलेटीनचा स्फोट झाला, या दुर्घटनेत तिघांचा मृत्यू झाला आहे, तर एक जण गंभीर जखमी झाला आहे.

अहमदनगर जिल्ह्यातल्या श्रीगोंदा तालुक्यातील टाकळी कडेवळी या गावात ही घटना घडली आहे. दरम्यान घटनेचं गांभीर्य लक्षात घेऊन फॉरेन्सिक टीम घटनास्थळी दाखल झाली आहे.

या जिलेटीनच्या स्फोटात तीन जणांचा मृत्यू झाला आहे, तर एक जण गंभीर जखमी झाला आहे, जखमी व्यक्तीला उपचारासाठी रुग्णालयात दाखल करण्यात आलं आहे.

टाकळी कडेवळीत विहिरीचं खोदकाम सुरू असताना, स्फोट घडवण्यासाठी जिलेटिनच्या कांड्या लावण्यात आल्या होत्या. मात्र हे कामगार विहिरीतून बाहेर येण्याच्या तयारीत असतानाच जिलेटीनचा स्फोट झाला.

हा स्फोट इतका भीषण होता की या घटनेत विहिरीत काम करणारे चारही कामगार विहिरीबाहेर फेकले गेले. मोठा स्फोट झाला.

या दुर्घटनेत सुरज इनामदार, नागनाथ गावडे, जब्बार इनामदार, या तिघांचा जागीच मृत्यू झाला आहे. तर एक जण गंभीर जखमी झाला आहे.

दरम्यान या घटनेमुळे गावात हळहळ व्यक्त करण्यात येत असून, फॉरेन्सिक टीम घटनास्थळी दाखल झाली आहे.