Buldhana accident : ड्रायव्हरची डुलकी प्रवाशांच्या जीवावर बेतली; शिर्डीवरून परतणाऱ्या भाविकांच्या स्कॉर्पिओचा भीषण अपघात

बुलढाण्यामधून एक भीषण अपघाताची बातमी समोर आली आहे, स्कॉर्पिओचा भीषण अपघात झाला आहे.

या अपघातामध्ये दोघांचा जागीच मृत्यू झाला तर सहा जण गंभीर जखमी झाले आहेत. जखमीमध्ये एका आठ वर्षांच्या मुलाचाही समावेश आहे

दरम्यान जखमी प्रवाशांना उपचारासाठी स्थानिकांच्या मदतीनं खामगाव येथील रुग्णालयात हलवण्यात आलं आहे.

खामगाव तालुक्याच्या आंबेटाकळी - बोरी आडगाव रोडवर हा भीषण अपघात घडला आहे. अपघात नेमका कसा घडला याबाबत अजून माहिती स्पष्ट नाही. मात्र चालकाला डुलकी लागल्यानं हा अपघात घडल्याचा प्राथमिक अंदाज आहे.

हे सर्व प्रवासी गडचिरोली जिल्ह्यातील असून, शिर्डी येथे दर्शन करून परत जात असताना हा अपघात घडला आहे.