Weather Alert: शनिवारी धो धो कोसळणार, मराठवाड्यातील 6 जिल्ह्यांना यलो अलर्ट, आजचा हवामान अंदाज

ऑगस्ट महिन्याच्या सुरुवातीपासूनच हवामानात मोठे बदल जाणवत आहेत. गेल्या काही काळात मराठवाड्यात पावसाचा जोर वाढला आहे. आज 9 ऑगस्ट रोजी पुन्हा जोरदार पावसाची शक्यता आहे. छत्रपती संभाजीनगर, जालना वगळता उर्वरित 6 जिल्ह्यांना जोरदार पावसाचा यलो अलर्ट जारी करण्यात आला आहे.

मराठवाड्यातील बीड, लातूर, हिंगोली, नांदेड, परभणी, धाराशिव या सहा जिल्ह्यांना आज वादळी पावसाचा यलो अलर्ट देण्यात आला आहे. आज ताशी 30 ते 40 किमी वेगाने वारे वाहणार असून विजांच्या कडकडाटासह जोरदार पवासाची शक्यता आहे.

छत्रपती संभाजीनगरसह जालना जिल्ह्यात आज हलक्या ते मध्यम पावसाची शक्यता आहे. आज काही ठिकाणी विजांच्या कडकडाटासह पावसाचा अंदाज असून रविवारपासून पावसाचा जोर ओसरणार आहे.

मराठाड्यातील आज पावसाचा जोर असून 24 तासानंतर हवामानात मोठे बदल जाणवणार आहेत. पुढील 4 दिवस सहा जिल्ह्यांत पावसाची तीव्रता अधिक राहण्याची शक्यता असून हवामान विभागाने यलो अलर्ट दिला आहे.

मराठवाड्यात विजांसह पावसाचा इशारा देण्यात आला असून नागरिकांना योग्य ती काळजी घ्यावी लागेल. शेतकऱ्यांनी हवामान खात्याच्या सूचनांवर लक्ष ठेवून शेतीकामांचे नियोजन करावे, असा सल्ला देण्यात आला आहे.