Chhatrapati Sambhajinagar: पेट्रोल पंपांवरील वाढती गर्दी, प्रशासनाचा मोठा निर्णय, किती रूपयांचं पेट्रोल डिझेल मिळणार?

छत्रपती संभाजीनगरच्या पेट्रोल पंपांवर तुफान गर्दी असल्याचे पाहायला मिळत आहे.

प्रशासनाकडून आवाहन करून देखील नागरिक रांगा लावून पंपा समोर उभे आहेत.

छत्रपती संभाजीनगर पेट्रोल पंपावरील सीसीटीव्ही दृश्यामध्ये शेकडो नागरिक पेट्रोलसाठी रांगा लावत असल्याचे दिसून येते.

छत्रपती संभाजीनगर शहरात पेट्रोल पंपांवर वाढलेल्या गर्दीच्या पार्श्वभूमीवर जिल्हा पुरवठा विभागाने महत्त्वाचा निर्णय घेतला आहे.

नागरिकांनी घाबरून मोठ्या प्रमाणात इंधन साठवण्याचा प्रयत्न केल्याने काही ठिकाणी तात्पुरती टंचाई निर्माण झाल्याचे चित्र आहे.

याच पार्श्वभूमीवर प्रशासनाने दुचाकी वाहनांना जास्तीत जास्त २०० रुपयांचे आणि चारचाकी वाहनांना २ हजार रुपयांपर्यंतच इंधन देण्याचे आदेश पेट्रोल पंप चालकांना दिले आहेत.

नागरिकांनी अफवांवर विश्वास न ठेवता आवश्यकतेनुसारच इंधन भरावे, असे आवाहनही प्रशासनाकडून करण्यात आले आहे.