Accident News : हिंगोलीमध्ये प्रवाशांनी भरलेल्या एसटीचा भीषण अपघात; बस आणि टिप्परची समोरासमोर धडक

एसटी अपघाताची मालिका सुरूच आहे, आणखी एक एसटी बसच्या अपघाताची बातमी समोर आली आहे. प्रवाशांनी भरलेली बस आणि टिप्परची समोरासमोर धडक झाली.

या अपघातामध्ये टिप्पर चालकासह एसटी बसमधील सात ते आठ प्रवाशांना किरकोळ दुखापत झाली आहे.

ही दुर्घटना हिंगोलच्या औंढा नागनाथ ते जिंतूर महामार्गावर येळी फाटा परिसरात रविवारी रात्री घडली. टिप्पर आणि बसची समोरासमोर धडक झाली.

अपघाताचं नेमकं कारण समोर आलेलं नाही, मात्र नियंत्रण सुटून हा अपघात झाला असावा असा अंदाज वर्तवण्यात येत आहे.

या अपघातामध्ये जखमी झालेल्या प्रवाशांना स्थानिकांच्या मदतीनं उपचारासाठी औंढा नागनाथ येथील ग्रामीण रुग्णालयात दाखल करण्यात आलं आहे.