Jalgaon News : खदानीत कपडे धुताना काही क्षणासाठी दुर्लक्ष अन्; 3 वर्षीय रोहितने गमावला जीव

जळगावातील एरंडोल तालुक्यातील सावदा गावात खदानीत बुडून 3 वर्षीय बालकाचा बुडून मृत्यू झाल्याची घटना आज घडली आहे.

रोहित विकास पठाण (भिल, वय - 3, रा. सावदे ता.एरंडोल) असे मयत झालेल्या चिमुकल्याचे नाव आहे.

रोहित याला सोबत घेवून त्याची आई गावातील खदानीकडे कपडे धुण्यासाठी गेली होती.

या दरम्यान आई कपडे धुण्यात व्यस्त असताना दुसरीकडे खदानीजवळ खेळत असताना पाय घसरल्याने रोहित खदानीत पडला. याठिकाणी पाण्यात बुडून त्याचा मृत्यू झाला.

याबाबत पाळधी पोलीस स्टेशनला नोंद करण्याचे काम सुरू होते. रोहित हा एकुलता एक मुलगा असल्याने त्याच्या आई वडिलांसह नातेवाईकांनी रूग्नयलायात एकच आक्रोश केला.