Latur News : पोळ्यानिमित बैल धुण्यासाठी तळ्यात उतरला अन्..; 24 तासांनंतर धक्कादायक अवस्थेत मिळाला मृतदेह

लातूर जिल्ह्यातील उदगीर तालुक्यातील चोंडी येथे पोळा सणानिमित्त बैल धुण्यासाठी तळ्यात गेलेल्या 16 वर्षीय तरुणांचा बुडून मृत्यू झाल्याची घटना घडली दोन दिवसापूर्वी समोर आली होती.

मयत विकास रमेश कांबळे हा युवक बैल धुण्यासाठी सकाळी 10 वाजेच्या सुमारास तलावात गेला होता. मात्र, पाण्याचा अंदाज न लागल्याने पाण्यात बुडून मृत्यू झाला.

या घटनेची माहिती समजल्यानंतर प्रशासन घटनास्थळी दाखल झाले, त्यांनी नगरपालिकेच्या अग्निशमन दलाला पाचारण करून सूचना केल्या. त्यानंतर मृतदेह शोधकार्य मोहिम सुरु झाली. मात्र मृतदेह मिळाला नाही.

रात्र झाल्याने शोधकार्य थांबवले. त्यानंतर दुसऱ्या दिवशी पुन्हा मृतदेह शोधकार्यास सुरुवात झाली. आज युवकाचा मृतदेह हाती आला.

याबाबत मयताचे नातेवाईक नामदेव कांबळे यांच्या माहितीवरून वाढवणा पोलीस ठाण्यात अकस्मात मृत्यूची नोंद करण्यात आली आहे.