गौरी गणपतींमुळे फुलांचा दरवळ महाग, विदर्भाच्या सर्वात मोठ्या बाजारात पाहा काय आहेत रेट

महाराष्ट्रसह देशभरात गणेशोत्सव मोठ्या उत्साहात साजरा केला जात आहे. गणेशोत्सवात फुलांना मोठं महत्त्व आहे. पूजेसाठी फुलांचा वापर करण्यात येतो.

त्यामुळे गणेशोत्सव आणि गौरी पूजनाच्या पार्श्वभूमीवर विदर्भाच्या सर्वात मोठ्या <a href="https://news18marathi.com/maharashtra/nagpur/">नागपुरातील</a> नेताजी फुल मार्केटमध्ये फुलांची मोठ्या प्रमाणावर आवक झाली असली तरी फुलांची मागणी लक्ष्यात घेता बाजारात फुलांचे भाव वाढले आहेत.

आज बाजारात शेवंती 200-250 रुपये प्रति किलो आहे तर काही दिवसापूर्वी हा दर 120-140 प्रती किलो होता, गुलाब ( तुकडा ) हा आज 300 रुपये प्रति किलो आहे तर तो काही दिवसापूर्वी 240 रुपयांपर्यंत होता.

निशिगंध 250-300 रुपये प्रति किलो, जरबेरा 40- 60 रुपये बंडल, देशी गुलाब 150 ते 200 रुपये किलो असे आजचे दर असून गौरी पूजनाच्या आधी हेच दर 50-60 रुपयांनी कमी असल्याचे विक्रेत्यांनी सांगितले.

बहुतांश ठिकाणी परतीच्या पावसाने शेत मालाला मोठा फटका बसल्याने हे दर वाढले असल्याचे देखील विक्रेत्यांनी सांगितले.

दररोज या बाजारात फुलांची मोठ्या प्रमाणावर आवक आणि जावक होत असते. दिवसाकाठी या ठिकाणी जवळ जवळ 30-40 लाख रुपयांची उलाढाल होत असते.

तर दिवाळी, दसरा, आणि आत्ता सुरू असलेल्या या गणेशोत्सवात सणांच्या दिवसात हीच आकडेवारी 1 ते 1.50 करोड रुपयांपर्यंत जाते, अशी माहिती नेताजी फुल मार्केट ठोक आणि चिल्लर फुल विक्री संघाचे अध्यक्ष विजय वंजारी यांनी दिली.