Maratha Reservation : मराठा आंदोलकांनी फोडली काँग्रेस आमदाराची गाडी, PHOTOS आले समोर

मोठी बातमी समोर येत आहे, नांदेड दक्षिण काँग्रेसचे आमदार मोहन हंबर्डे यांची गाडी मराठा आंदोलकांनी फोडली आहे. शुक्रवारी रात्री ही घटना घडली आहे.

नांदेड शहराजवळच्या पुंड पिंपळगाव येथे रात्री ही घटना घडली . या गावात किर्तनाचा कार्यक्रम होता. किर्तन ऐकण्यासाठी आमदार हंबर्डे गावात गेले होते.

ते कार्यक्रमात असताना, बाहेर उभी असलेली त्यांची गाडी काही मराठा आंदोलकांनी फोडली. या घटनेत आमदार मोहन हंबर्डे हे सुरक्षित आहेत.

दरम्यान मोहन हंबर्डे यांची गाडी काल रात्री फोडण्यात आली होती, या घटनेनंतर सतर्कता म्हणून आमदार हंबर्डे यांच्या निवासस्थानी पोलीस बंदोबस्त वाढवण्यात आला आहे.

शहरातील विष्णुपुरी भागातील इंदीरा निवास येथे पोलीस कर्मचारी तैनात करण्यात आले आहेत, ते किर्तनाच्या कार्यक्रमाला गेले असताना हा प्रकार घडला आहे.

मोहन हंबर्डे यांच्या गाडीवर हल्ला करण्यात आला, या घटनेत ते सुरक्षित आहेत, मात्र तरीही खबरदारीचा उपाय म्हणून त्यांच्या निवासस्थानाची सुरक्षा वाढवण्यात आली आहे.

राज्यात मराठा आरक्षणाचा मुद्दा चांगलाच तापला असून, मराठा आंदोलक आक्रमक होत असल्याचं पाहायला मिळत आहे, मराठा आरक्षणासाठी येत्या वीस फेब्रुवारी रोजी विशेष अधिवेशन बोलावण्यात आलं आहे.