Nanded News : नांदेडमध्ये रेतीच्या टिप्परने दुचाकीस्वारांना चिरडलं! 2 युवक जागीच ठार, घटनास्थळाचे भयावह PHOTOS

महाराष्ट्रात अपघाताचे सत्र थांबण्याचं नाव घेताना दिसत नाही. नांदेड जिल्ह्यात आज रेतीची वाहतूक करणाऱ्या टिप्परने धडक दिल्याने दोन युवकांचा जागीच मृत्यू झाला तर एक जण गंभीर जखमी झाला.

नांदेड जिल्ह्यातील बिलोली तालुक्यातील सगरोळी येथे ही घटना घडली. या घटनेनंतर काही काळ वाहतूक विस्कळीत झाली होती.

सगरोळी येथील नवीन पवार आणि मोईन शेख हे युवक आपल्या दुचाकीवरुन सगरोळीकडून गावातील बस्थानकाकडे जात होते. रेती घाटातून रेती वाहतूक करणाऱ्या भरधाव टिप्परने या मोटारसायकला जोराची धडक दिली.

या अपघातात नवीन पवार आणि मोईन शेख हे युवक जागीच ठार झाले. तर अन्य एक जण गंभीर जखमी झाला. या प्रकरणी गुन्हा दाखल करण्याची प्रक्रिया सुरू आहे.

दरम्यान, या घटनेनंतर रस्ते अपघाताचा प्रश्न पुन्हा ऐरणीवर आला आहे.