उर्वशी आणि आदित्य ठाकरेंचा ‘भाऊबीज मोमेंट’; लाडू, प्रेम आणि परंपरेचा गोड संगम; Inside Photo

आगामी मुंबई महापालिका आणि स्थानिक स्वराज्य संस्थांच्या निवडणुकांच्या पार्श्वभूमीवर ठाकरे बंधू एकत्र येणार असल्याचे आता जवळपास निश्चित झालं आहे.

गेल्या 4 महिन्यात ठाकरे बंधू आणि ठाकरे कुटुंब वारंवार एकत्र येताना दिसून येत आहे. त्यातच आज पुन्हा एकदा राज आणि उद्धव ठाकरे भाऊबीजनिमित्ताने बहिणीच्या घरी एकत्र आले आहेत.

उद्धव आणि राज ठाकरे बहीण जयवंती यांच्या घरी भाऊबीजेसाठी एकत्र आले आहेत. त्यानिमित्ताने ठाकरे बंधू आणि कुटुंब एकत्र आल्याचं पाहायला मिळालं.

आदित्य आणि तेजस ठाकरे हेही ठाकरे कुटुंबातील भाऊबीज स्नेह भोजन कार्यक्रमानिमित्त एकत्र आले आहेत.

यावेळी उर्वशी ठाकरेंनी तिन्ही भावांचे औक्षण केले आणि मिठाई दिली. गेल्या 4 महिन्यातील ही ठाकरे बंधूची आजची 10 वी भेट आहे.

काही दिवसांपूर्वी दीपावली दीपोत्सव निमित्ताने राज ठाकरे आणि उद्धव ठाकरे, यांसह ठाकरे कुटुंब एकत्र आले होते. त्यावेळी, दोन्ही कुटुंबातील स्नेहबंध महाराष्ट्राने पाहिले.

तब्बल २० वर्षांच्या राजकीय मतभेदांनंतर ठाकरे बंधू एकाच ठिकाणी एकत्र आल्याचे हे चित्र कौटुंबिक आणि राजकीय अशा दोन्ही स्तरांवर महत्त्वाचे मानले जात आहे.

गेल्या काही महिन्यात वाढलेल्या भेटीगाठींमुळे राज ठाकरे आणि उद्धव ठाकरे यांच्यातील संभाव्य राजकीय युतीबाबतच्या चर्चांना जोर आला आहे.

कार्यकर्ते आणि राजकीय विश्लेषक याकडे लक्ष ठेवून आहेत. सद्यस्थितीत कौटुंबिक नातेसंबंध मजबूत करण्यावर भर दिला जात असल्याचे दिसून येत आहे.