Shivray Waghnakh PHOTOS: अभिमानानं ऊर भरून यावा असा क्षण..! शिवरायांच्या वाघनखांची पहिली झलक

शिवप्रेमींची कित्येक दिवसांची प्रतिक्षा आज संपली. राजांची वाघनखं पाहून प्रत्येकाचा ऊर अभिमानानं भरून यावा, असा हा क्षण होता. <a href="https://news18marathi.com/tag/chhatrapati-shivaji-maharaj/">छत्रपती शिवाजी महाराजांच्या</a> वाघनखं अनावरण सोहळ्यासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार आणि इतर मंत्री आणि नेते उपस्थित होते.

वाघनखं लंडनच्या म्युझियममधून आज <a href="https://news18marathi.com/maharashtra/">महाराष्ट्राच्या</a> भूमीवर सर्वांना पाहण्यासाठी खुली करण्यात आली आहेत. लंडनच्या विक्टोरिया अँड अल्बर्ट संग्रहालयातून ‘वाघनखं’ तीन वर्षांसाठी भारतात असणार आहेत.

आज 19 जुलैपासून सातारा येथील संग्रहालयात प्रदर्शनासाठी ती ठेवण्यात येणार आहेत, असे सांस्कृतिक कार्यमंत्री सुधीर मुनगंटीवार यांनी सांगितलंय.

लंडनच्या व्हिक्टोरिया अँड अल्बर्ट म्युझियममधून शिवरायांची ही वाघनखं महाराष्ट्रात आणली आहेत. तीन वर्षांसाठी ही वाघनखं आणली असून त्यांच्या सुरक्षेसाठी कडेकोट बंदोबस्त तैनात करण्यात आला आहे.

ही वाघनखं राज्यातील 4 संग्रहालयांमध्ये प्रदर्शनासाठी ठेवण्यात येणार आहेत. मुंबईतील छत्रपती शिवाजी महाराज वस्तू संग्रहालय, साताऱ्यातील छत्रपती शिवाजी महाराज वस्तू संग्रहालय, नागपूरमधील सेंट्रल म्युझियम, कोल्हापुरातील लक्ष्मी विलास पॅलेसमध्ये ही वाघनखं ठेवण्यात येणार आहे.

वाघनखं <a href="https://news18marathi.com/national/">भारतात</a> आणण्यासाठी कोट्यावधी रुपयांचा खर्च करण्यात आल्याचा प्रश्न उपस्थित करण्यात आला होता. यावर आपल्या अधिवेशनाचा एका दिवसाचा खर्च जेवढा आहे, त्याच्या कितीतरी पट कमी खर्च झाला असल्याचे मंत्री सुधीर मुनगंटीवार यांनी सांगितले होते. तसेच, वाघनखं आणण्यासाठी जाण्याचा आणि येण्याचा 14 लाख 8 हजार रुपये खर्च झाला असल्याचे त्यांनी सभागृहात सांगितले होते.